So`ngi yangiliklar
Ramzan Qodirov Turkiyada choʻkib ketishiga sal qolgani aytilmoqda. U hozirda shifoxonaga yotqizilgan
Oʻzbekiston mobil internet tezligi boʻyicha dunyoda nechanchi oʻrinda?
Rossiyada oʻzbekistonlik migrant 50 yoshli nogironni oʻldirib qoʻydi
Noqonuniy benzin sotgan “zapravka” jarimaga tortildi
O‘zbekistonda kasb o‘rganish imkoniyatlari kengayadi: internet orqali bepul videodarslar joriy etiladi
O‘zbekiston pasporti jahonda 74-o‘rinda qayd etildi
Sog‘liqni saqlash vaziri: “Korrupsiyaga qarshi kurashda jamoatchilik faol ishtirok etishi shart”
Turkiyadagi neolit davriga oid Chatalhoʻyuk manzilgohida ayollar jamiyati mavjudligi aniqlandi
Jasliq qamoqxonasining sobiq mahbusi Choʻyan Mamatqulov yana qamaldi
Bu haqda “Ezgulik” inson huquqlari jamiyati raisi Abdurahmon Tashanov maʼlum qildi.
"Karimov zamonining sobiq siyosiy mahbusi Choʻyan Mamatqulov yana qamaldi. Jinoyat ishlari boʻyicha Qashqadaryo viloyati Dehqonobod tumani sudining hukmi bilan 5-yil muddatga ozodlikdan mahrum qilingan Choʻyan Mamatqulov Oʻzbekiston Respublikasi JKning 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish) bilan ayblangan.
Oʻzbekiston Respublikasi Birinchi Prezidenti Islom Karimovni sudga berishi ortidan tanilgan Oʻzbekiston Respublikasi Qurolli Kuchlarining sobiq zobiti Choʻyan Mamatqulov 2012-yilning avgustida Jinoyat kodesining 8 ta moddasi bilan ayblanib, 10-yilga ozodlikdan mahrum qilingan va jazo muddatining aksar qismini Jasliq lagerida oʻtagan edi. 2018-yilning bahorida yangi siyosat tufayli muddatidan avval ozod qilingan Mamatqulov keyinchalik toʻliq oqlangan edi.
Jamiyatimizga Mamatqulovning advokatlari murojaat qilib, jinoyat ishi tergovining bir tomonlama olib borilgani, jinoyat ishi materiallarida dalillar soxtalashtirilgani haqida xabar berdi. Oliy sud negadir sudlanuvchining appelyatsiya shikoyati boshqa viloyatda koʻrilishi haqidagi arizalarni eʼtiborsiz qoldirmoqda.
Oliy sud jinoyat ishining boshqa viloyatda koʻrilishini taʼminlasa, adolatdan boʻlardi", deydi Tashanov.
