So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
AQSH yetakchisi Alkatras qamoqxonasini qayta ochishni buyurdi
Tramp oʻz hukumatiga San Fransiskodagi orolda joylashgan mashhur sobiq qamoqxona — Alkatrasni qayta ochish va kengaytirish boʻyicha koʻrsatma berdi. Bu haqda BBC xabar berdi.
“Men qamoqxonalar byurosiga sezilarli darajada kengaytirilgan va qayta qurilgan Alkatrasni qayta ochishni buyuraman. Juda uzoq vaqtdan beri Amerika yovuz, zoʻravon va takroriy jinoyatchilar tomonidan azoblanmoqda. Alkatrasning qayta ochilishi qonun, tartib va adolat ramzi boʻlib xizmat qiladi. U Amerikaning eng shafqatsiz va zoʻravon jinoyatchilarini oʻz bagʻriga oladi”, deb yozdi Tramp oʻzining Truth Social sahifasida.
Yetakchi demokratlarning aytishicha, bu qaror hali jiddiy emas. The Rock nomi bilan ham tanilgan bu joy 1963-yilda yopilgan. Orolda joylashganligi sababli qamoqxona taʼminoti 3 baravar qimmatga tushgan. Hozirda u sayyohlik maskani sifatida faoliyat yuritib keladi.
Alkatras dastlab dengiz mudofaa qalʼasi boʻlgan. XX asr boshlarida harbiy qamoqxona sifatida qayta qurilgan. Adliya vazirligi 1930-yillarda binoni oʻzlashtirdi va federal qamoqxona tizimidan mahkumlar shu yerga joylashtirilgan. Qamoqxona mashhur mahbuslari qatorida gangsterlar Al Kaponye, Mikki Koen va Jorj “Mashina quroli” Kelli bor.
Qamoqxona 1962-yilda Burt Lankaster ishtirokidagi Birdman of Alcatraz filmi bilan mashhur boʻlgan. Bu yerda shuningdek, 1996-yilda Sean Connery va Nicolas Cage ishtirok etgan The Rock filmi ham suratga olingan.
