So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Mirziyoyev Samarqandga yetib bordi
Oʻzbekiston Respublikasi Prezidenti Shavkat Mirziyoyev «Markaziy Osiyo — Yevropa Ittifoqi« birinchi sammiti tadbirlarida ishtirok etish uchun Samarqand shahriga yetib bordi.
Bu haqda Prezident matbuot xizmati xabar berdi. Bugun, 2-aprel kuni davlat rahbari ertalab Samarqandga yetib kelgan Yevropa kengashi Prezidenti Antoniu Koshta bilan norasmiy uchrashuv oʻtkazishi kutilmoqda.
Ertaga, 3-aprel kuni sammitda ishtirok etadigan delegatsiyalar rahbarlari bilan qator ikki tomonlama muzokaralar oʻtkazilishi ham rejalashtirilgan. 4-aprel kuni Markaziy Osiyo davlatlari va Yevropa Ittifoqining asosiy institutlari rahbarlari ishtirokida koʻp tomonlama tadbirlar boʻlib oʻtadi.
Maʼlumot uchun, Yevropa Ittifoqi va Markaziy Osiyo oʻrtasidagi ilk sammit 3-4-aprel kunlari Samarqand shahrida boʻlib oʻtadi. Uchrashuvga Oʻzbekiston Prezidenti Shavkat Mirziyoyev raislik qiladi va unda Qozogʻiston, Qirgʻiziston, Tojikiston va Turkmaniston yetakchilari ishtirok etadi. 4-5-aprel kunlari esa “Silk Road Samarkand” kongress markazida birinchi Samarqand iqlim forumi boʻlib oʻtadi. Forumda Markaziy Osiyo davlatlari, jumladan, Oʻzbekiston, Qozogʻiston, Qirgʻiziston, Tojikiston va Turkmaniston rahbarlari, shuningdek, Yevropa Ittifoqi, BMT, xalqaro moliya institutlari va yetakchi ekologiya tashkilotlari vakillari ishtirok etishi kutilmoqda.
Sammit davomida Yevroittifoq oʻzaro manfaatli sohalarda hamkorlikni kengaytirish boʻyicha sodiqligini tasdiqlashi kutilmoqda. Bular qatoriga transport va raqamli aloqa, muhim xomashyo resurslari, iqtisodiy va xavfsizlik sohalaridagi sheriklik hamda energetik oʻtish jarayoni kiradi.
Eslatib oʻtamiz, avvalroq sammit munosabati bilan Samarqand shahriga kirish yoʻllari vaqtincha yopilishi haqida xabar berilgandi. Keyinroq esa mazkur sammit oʻtkazilishi munosabati bilan shahardagi ayrim oliy taʼlim muassasalariga 1-5-aprel kunlari qisqa muddatli oʻquv taʼtili berilishi maʼlum boʻldi.
