So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Abduqodir Husanovning transfer narxi keskin oshib ketdi
Oʻzbekistonlik markaziy himoyachi Osiyoning eng qimmat toʻrtinchi futbolchisiga aylandi.
Kecha, 18-mart kuni Angliyada futbolchilarning transfer narxi yangilandi va “Manchester Siti”ning oʻzbekistonlik himoyachisi Abduqodir Husanovning transfer qiymati 23 million yevroga qimmatlashib, 35 million yevroga yetdi.
Husanovning narxi qimmatlashi Oʻzbekiston milliy terma jamoasining umumiy qiymatiga ham sezilarli darajada taʼsir qildi va “oq boʻrilar” Osiyodagi eng qimmat 3-terma jamoaga aylandi.
Hozirga kelib, Oʻzbekiston milliy terma jamoasining umumiy qiymati 70 million yevroga yetdi va jamoa qiymati boʻyicha Eron, Saudiya Arabistoni, Avstraliya, Birlashgan Arab Amirliklari, Qatar, Iroq va Iordaniya kabi terma jamoalarni katta farq bilan ortda qoldirdi.
Yaponiya terma jamoasi 307 million yevrolik qiymat bilan hamon Osiyoning eng qimmat terma jamoasi boʻlib turibdi. Bu borada 121 million yevrolik tarkibga ega Janubiy Koreya 3-oʻrinni band etgan.
Qayd etish joiz, transfer narxi oshganidan keyin Husanov Osiyoning eng qimmat 4-futbolchisiga aylandi. Faqatgina “Brayton” aʼzosi Kaoru Mitoma, “Bavariya” futbolchisi Kim Min Jae va “Real Sosyedad” futbolchisi Takefusa Kuboning transfer narxi Husanovning qiymatidan qimmatroq.
