So`ngi yangiliklar
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Navoiyliklar nimadan norozi?
AQSH prezidenti Bayden Ukrainaga piyodalarga qarshi minalar yetkazib berilishini maʼqulladi
Pentagonning fikricha, piyodalarga qarshi minalar yetkazib berilishi Rossiya armiyasining Ukraina hududidagi oldinga siljishining kamayishiga yordam beradi, deb yozdi WP.
AQSH prezidenti Jo Bayden Ukrainaga piyodalarga qarshi minalar yetkazib berilishini maʼqulladi, deb yozdi 19-noyabr, seshanba kuni "The Washington Post" (WP) oʻz nomi oshkor etilmagan ikki amerikalik mulozimga tayanib. Nashr suhbatdoshlaridan biri taʼkidlaganidek, ushbu oʻq-dorilardan foydalanish Ukraina hududi bilan cheklangan.
WP manbalaridan biri taʼkidlaganidek, Ukraina Qurolli Kuchlari uchun minalar vaqt oʻtishi bilan oʻzini-oʻzi yoʻq qiladigan yoki batareya quvvatini yoʻqotib, faol boʻlmagan minalardir. Uning soʻzlariga koʻra, bu tinch aholi uchun xavfni kamaytiradi.
Amerika Qoʻshma Shtatlari Mudofaa vazirligi bunday oʻq-dorilarni yetkazib berish Rossiya armiyasining olgʻa siljishini cheklashning eng samarali qadamlaridan biri ekanligiga ishonchi komil, deya tushuntirdi gazeta suhbatdoshlari.
Ularning soʻzlariga koʻra, Oq uy soʻnggi haftalarda Rossiya Qurolli Kuchlarining frontdagi Ukraina pozitsiyalariga uyushtirgan hujumlaridan nihoyatda xavotirda va Rossiya qoʻshinlarining olgʻa siljishini shoshilinch ravishda sekinlashtirish zarurligini koʻrmoqda.
AQSH Ukrainaga harbiy yordamni kuchaytirdi
Soʻnggi kunlarda Vashingtonning Kiyevga harbiy yordam koʻrsatish boʻyicha bir qancha qarorlari maʼlum boʻldi. Shunday qilib, 17-noyabr kuni bir qator Amerika OAVlari Oq uy Ukrainaga Vashingtondan olingan uzoq masofali qurollar bilan Rossiya Federatsiyasiga chuqur zarba berish taqiqini bekor qilgani haqida xabar tarqatdi. “The New York Times” suhbatdoshlariga koʻra, gap ATACMS taktik ballistik raketalari haqida boʻlgan. Bundan tashqari, Pentagon Ukrainaga 275 million dollar (taxminan 260 million yevro) qiymatidagi yangi harbiy yordam paketini joʻnatishni rejalashtirmoqda, deya maʼlum qildi Associated Press tafsilotlarni keltirmagan holda.
Oq uyning navbatdagi rahbari Kiyevga koʻrsatilayotgan yordam koʻlamini tanqid qilmoqda
Ikki oydan soʻng Oq uyda Bayden oʻrniga AQSHning saylangan prezidenti Donald Tramp keladi. Respublikachi Vashingtondan Kiyevga koʻrsatilayotgan moliyaviy va harbiy yordam koʻlamini bir necha bor tanqid qilgan va Ukrainadagi urushni 24 soat ichida tugatishga vaʼda bergan, biroq qanday qilib tushuntirmagan. Bundan tashqari, Tramp Ukraina xalqaro miqyosda tan olingan hududining bir qismidan voz kechishi va shu orqali jangovar harakatlarni tugatishga hissa qoʻshishi kerakligini ochiq aytdi.
.jpg)
