So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Qashqadaryoda mashhur sambochi otib oʻldirildi
Butun Vohaga dongʻi ketgan mashhur sambochi Toʻra Avloqulov qoʻlbola usulda yasalgan quroldan olgan jarohati oqibatida vafot etdi. Sportchiga oʻq uzgan shaxs hodisa joyidan qochmoqchi boʻlganida IIB tezkor xodimlari tomonidan ushlangan.
Qashqadaryo viloyatining Shahrisabz shahrida sambochi Toʻra Avloqulov tanishi tomonidan otib oʻldirildi.
Maʼlum qilinishicha, ushbu hodisa 2024-yilning 29-mart kuni sodir boʻlgan. Shahrisabz shahrida yashovchi fuqaro “Damas” avtomobilida ketayotganda oʻziga oldindan tanish boʻlgan boshqa bir shaxsni koʻrib qolib, birgalikda kafega borgan va spirtli ichimlik isteʼmol qilgan. Ular bir soatlardan soʻng kafedan chiqib Toʻra Avloqulovni koʻrib qolgan va uni ham avtomashinaga mindirib, boshqa kafega borgan.
Fuqarolar kafeda pulni toʻlash ustida tortishib qolgan. Fuqaro tanishi Toʻra Avloqulovga yoʻlda kelayotgan paytda 50 ming soʻm pul berganini, shu bois ovqatlanish xarajatini toʻliq toʻlashini aytgan.
U hamma pulni toʻlamasligini bildirib, olgan 50 ming soʻm pulini qaytarib bergan. Fuqaro pulni olmasdan, unga jahl qilib, avtomobilidan qoʻlbola usulda yasalgan qurolni olib, sherigining boshiga bir marta oʻq uzgan.
Natijada, Toʻra Avloqulov olgan tan jarohati oqibatida Shahrisabz shahar tibbiyot birlashmasi shoshilinch tez tibbiy yordam boʻlimiga yotqizilgan. Unga oʻq uzgan fuqaro hodisa joyidan qochmoqchi boʻlib, avtomashinasi bilan ketayotganida hodisa joyidan taxminan 500 metr uzoqlikda tuman IIB tezkor xodimlari tomonidan toʻxtatib qolingan.
Shahrisabz shahar tibbiyot birlashmasi maʼlumotnomasida Toʻra Avloqulovning tanasida ogʻir ochiq teshib oʻtuvchi bosh miya jarohati, bosh miya ichidagi metall va suyak parchalari, chap peshona suyagining parchalanib singan jarohati, chap qosh ustida ezilib yirtilgan koʻrinishida tan jarohatlari borligi, ahvoli oʻta ogʻir darajada ekanligi qayd etilgan. Shifokorlar tomonidan koʻrsatilgan tibbiy yordamlarga qaramay sportchi kasalxonada vafot etgan.
Ushbu holat yuzasidan Shahrisabz tuman prokuraturasi tomonidan fuqaroga nisbatan Jinoyat kodeksining 25,97-moddasi 2-qismi “d” va “l” bandlari (bezorilik oqibatida, boshqa shaxslarning hayoti uchun xavfli boʻlgan usulda qasddan odam oʻldirish) bilan jinoyat ishi qoʻzgʻatilgan.
Izohlar 1
