“Nutkoinchilar” uchun ajoyib yangilik! Notcoinʻni sotish va sotib olish imkoniyati paydo boʻldi

Notcoin tokeni ishga tushirilgunga qadar Notcoin pre-marketʻda tokenlarni pullash va sotib olish imkoniyati paydo boʻldi. Bu haqda Notcoin hamjamiyati eʼlon qildi.

“Nutkoinchilar” endilikda siz Notcoin-botʻdagi oʻyin hisobingizdan 10 va 100 milliongacha boʻlgan “tangachalar”ni Notcoin vaucherlariga (NFT) aylantirishingiz va ularni GetGems tarmogʻida sotishingiz mumkin.

Tokenlar ishga tushirilgandan keyin vaucherlarni $NOTʻga almashtirish yoki token ishga tushishini kutishingiz va balansingizni toʻgʻridan-toʻgʻri $NOTʻga aylantirishingiz mumkin.

Pre-market royalti orqali $NOT roʻyxatlarini qoʻllab-quvvatlagani uchun NFT savdolarining 20 foizini komissiya koʻrinishida ushlab oladi.

«$NOT tokenining narxi qanday boʻlishini hech kim bilmaydi. Listing narxi hatto nolga teng boʻlishi mumkin, shuning uchun vaucherlarni sotishda buni hisobga oling», - deyiladi xabarda.

Qanday qilib not-tangachalarni NFT-vaucherga aylantirish mumkin?

1. Telegram ilovasidan Notcoin botini oching, asosiy ekrandan Trade tugmasini bosing
2. Chiqarmoqchi boʻlgan vaucherlar nominalini va sonini tanlang.
3. TON hamyoningizni ulang va NFT vaucherini chiqarish uchun blokcheyn toʻlovini (~$0,1) toʻlang.
4. Bir necha daqiqa ichida vaucher TON hamyoningizga tushadi

Diqqat! Ayni vaqtda Notcoin-botʻda /trade tugmasi mavjud emas, uning qachon qoʻshilishi esa ochiqlanmagan. Biroq Notcoin pre-marketʻda savdolar qizgʻin ketmoqda.

8-mart holatiga koʻra:

10 mln $NOT oʻrtacha narxi – 150-200 TON (435-581 dollar)

100 mln $NOT oʻrtacha narxi – 1000-5000 TON (2900-14531 dollar)

Notcoin Voucher - bu tokenlar blokcheynda chiqarilishidan va qiymatga ega boʻlishidan oldin (qiymatga ega boʻlmaslik ehtimoli ham bor) virtual oʻyin balansingiz bilan Notcoin savdosini boshlashning bir usuli.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг