So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
“Monopol oligarxlar bor ekan, Oʻzbekistonda benzin arzon boʻlishidan umid qilmang” — Otabek Bakirov
Oʻzbekistonda benzin yoqilgʻisi yaqin kelajakda arzonlashmaydi, bunga sabab oligarxlarning xususiy monopoliyalari. Bu haqda iqtisodchi Otabek Bakirov oʻzining Telegram kanalida maʼlum qildi.
Bakirovga koʻra, benzinning narxi oʻzbekcha “xususiylashtirish”ga bogʻliq emas. Balki oligarxlarning xususiy monopoliyalari.
«Hukumatning oʻzi raqobat muhitini yaratishni istamasa, ochiq bozor va teng imkoniyatlarni ragʻbatlantirish oʻrniga oʻziga yaqin monopoliya va oligarxlarni boshini silasa, ertangi kunga zarracha umid qilmasayam boʻlaveradi» - dedi Bakirov.
Iqtisodchining yozishicha, Keles chegarasigacha boʻlgan masofa (1700 km) uchun bir tonnasi uchun 150 dollar boʻlgan bir paytda ichki temir yoʻl orqali tashish xizmati 8-10 km uchun 15-20 dolllarni tashkil etadi.
«Temir yoʻl infratuzilmasi hukumat bilan chatishib ketgan monopolistlar qoʻlida va doʻstlarga “skidka”, begonalarga tarif koʻrinishida ishlaydi.
Importyorlar katta hajmlarda benzin mahsulotini olib kirganda ularni saqlash uchun sigʻimlar mavjud emasligi hamda mavjud boʻlgan sigʻimlar ijarasi qimmatligi. Katta sigʻimlar monopolist va oʻgʻri oligarxlar qoʻlida.
Neft omborlarini tekinga egallab olgan oʻgʻri oligarxlar hatto monopolistlar reyestriga qoʻshilmagan (bu ishga qoʻl urgan antimonopoliya rahbarini yana boʻshatvorishadi).
Benzin mahsuloti barcha standartlarga toʻgʻri kelishi va sifati talabga javob berishi yuzasidan hujjatlar borligiga qaramay, respublikaga olib kirganda qoʻshimcha majburiy sertifikatlashdan oʻtkazilishi. Notarif cheklovlarni oʻrnatish hukumatning sevimli vositasi bu orqali begonalar oʻyindan chetlatib turiladi», - deydi u.
Bakirovning aytishicha, ayni vaqtda Oʻzbekistonga Turkmanistondan benzin importi deyarli toʻxtab qolgan, bunga esa joʻyali sabablar bor.
«Turkmaniston davlatidan benzin mahsulotini xarid qilish jarayoni juda koʻp vaqtni talab qilishi. Bu byurokratiya urush boshlangach, 2022-yildan keyin shimollik oq xoʻjalarning topshirigʻi yoki bosimi bilan maqsadli ravishda uyushtirilgan. Natijada Turkmanistondan benzin importi avvaliga karrasiga qisqargan va keyin deyarli toʻxtab qolgan», - dedi Otabek Bakirov.
