So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Samarqandga 100 ta elektrobus xarid qilinadi — Prezident qarori
Samarqand shahrida aholi va ekologiya uchun xavfsiz transport tizimini takomillashtirish maqsadida 100 ta elektrobus va 50 ta quvvatlash qurilmasi ishga tushiriladi. Bu haqda Ekologiya, atrof-muhitni muhofaza qilish va iqlim oʻzgarishi vazirligi axborot xizmati xabar bermoqda.
Taʼkidlanishicha, 2023-yilning 17-may kuni “Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasini amalga oshirish uchun 3-yillik imtiyozli davr bilan 18-yil muddatga bitim imzolangan.
Loyiha doirasida Samarqand shahrida haydovchilarni tayyorlash va ularning malakasini oshirish oʻquv markazini oʻz ichiga olgan, harakat tarkibini saqlash, texnik xizmat koʻrsatish va taʼmirlashga moʻljallangan avtobus saroyini rekonstruksiya qilish va tashqi elektr taʼminoti obyektlari qurish koʻzda tutilgan.
100 ta elektrobus va 50 ta quvvatlash qurilmasi xarid qilish boʻyicha “Samarqandyoʻlovchitrans” davlat korxonasi va xalqaro tenderda gʻolib deb topilgan Xitoyning “Yutong Bus Co., LTD” kompaniyasi oʻrtasida shartnoma imzolangan.
Shartnoma doirasida 6 ta elektrobus va 3 ta quvvatlash qurilmasi olib kelingan va elektrobuslar shahar jamoat transporti yoʻnalishlariga qoʻyilgan.
Loyihaning amal qilish davri 3-yilni (2023–2025-yillar) tashkil qiladi. Unga koʻra, Elektrobuslar va quvvatlash qurilmalari xususiy sektorga (tashuvchilarga) eng yaxshi takliflarni tanlab olish yoʻli bilan moliyaviy ijaraga beriladi.
Shuningdek, elektrobuslar loyiha doirasida tanlab olingan muntazam shahar avtobus yoʻnalishlariga brutto-shartnoma asosida, istisno tariqasida, toʻgʻridan-toʻgʻri 7-yil muddatga biriktiriladi.
Qolaversa, 10-yil muddatga moliyaviy ijara shartnomasi tuziladi hamda ijara tushumlari Samarqand viloyati jamoat transportini moliyalashtirish boʻyicha maxsus jamgʻarmasiga yoʻnaltiriladi. Bundan tashqari, Ijarachi tomonidan moliyaviy ijara shartnomasida belgilangan majburiyatlar toʻliq bajarilgan taqdirda elektrobuslar va quvvatlash qurilmalari ijarachining mulkiga toʻliq oʻtkaziladi.
Rekonstruksiya qilinadigan avtobus saroyi tashuvchilarga (tanlov gʻoliblariga) ijara asosida xizmat koʻrsatadi va uchinchi shaxslarga sotilishi hamda begonalashtirilishiga yoʻl qoʻyilmaydi.
