title

Oʼzbekistonda 2024 yil uchun minimal isteʼmol xarajatlari miqdori kishi boshiga 1 oyga 621 ming soʼm deb belgilandi. Bu haqda Statistika agentligi tomonidan eʼlon qilingan maʼlumotnomoda aytib oʼtilgan.

Joriy 2024 yil uchun esa hisoblangan minimal isteʼmol xarajatlarining qiymati bir oyda kishi boshiga 621 ming soʼm deb belgilandi. Bu oʼtgan yilgi koʼrsatkichdan 9,3 foizga yuqori. 2023 yil iyul oyida bu miqdor 498 ming soʼmdan 568 ming soʼmgacha oshirilgandi. Shuningdek, koʼrsatkich 2022 yil yanvaridan boshlab esa 498 ming, 2021 yilda esa 440 ming soʼmni tashkil etgan.

Minimal isteʼmol xarajatlaridan kelib chiqib hisoblangan kambagʼallik chegarasidan quyidagi maqsadlarda foydalaniladi:

• davlatning moddiy va boshqa ijtimoiy koʼmaklariga muhtoj aholining maqsadli (target) guruhini aniqlash;

• mamlakatning kambagʼallik chegarasini belgilashda foydalanish va bunda target guruhdagi aholining real isteʼmol xususiyatlari va talablarini inobatga olish;

• kambagʼallikka qarshi kurashish strategiyasi va dasturlarida belgilangan vazifa va chora-tadbirlarning natijadorligi hamda manzilliligini oshirish, shuningdek, ularning doimiy monitoringini yuritish;

• pensiyalar va nafaqalarning yeng kam miqdorini belgilash, shuningdek, kambagʼal oilalarga beriladigan boshqa turdagi moddiy koʼmaklarni koʼrsatishda mezon sifatida.

Qayd etish kerak, hukumatning 2021 yil 27 avgustdagi 544-son qarori bilan Oʼzbekistonda minimal isteʼmol xarajatlari qiymati hisoblab kelinadi.

Izohlar 1

Toshpolatov xayrullo

2024-Jan-22 21:59

Bu kalla bilan davlatimiz qayerga qarap ketyapmiz bir meni uzimni oilamga bir haftaga 350 ming sum harajat qilaman gush yuq gusht olsam uyogi uzlaringizga havola