title

Prezident Shavkat Mirziyoyevning 2019-yil 17-iyundagi “Qishloq xoʻjaligida yer va suv resurslaridan samarali foydalanish choralari haqidagi” va 2020-yil 7-sentyabridagi “Yer hisobi va davlat kadastrlarini yuritish tizimini takomillashtirish choralari haqidagi” farmoni bilan yerlarni, ayniqsa, sugʻoriladigan yerlarni saqlash boʻyicha bir qancha konsepsiya va vazifalar belgilab berildi.

Kadastr agentligining Qoraqalpogʻiston Respublikasi boshqarmasi uning shahar va tuman boʻlimlari tomonidan 2023-yil boshidan eʼtiboran 17-oktyabriga qadar, jami 1849 holatda 685, 41 gektar yer maydonlari fuqarolar tomonidan oʻzboshimchalik bilan egallab olinganligi aniqlandi va tegishli hujjatlar rasmiylashtirilib, ularning har biriga ogohlantirish xatlari berildi.

Ushbu noqonuniy holatlarga koʻrilgan choralar sababidan 1071 holatga 233,64 gektar yer maydonlari tuman hokimligining yer zaxirasiga qaytarilishi taʼminlandi.

Bundan tashqari 207 holatda, 41,96 gektarli yer maydoni, davlat yer zaxirasiga qaytarilish chorasi koʻrilmoqda. Shuningdek 480 holat 374,97 gektar boʻyicha sudlarga daʼvo arizalari kiritildi.

Sugʻoriladigan yerlarda qonunga zid qurilish ishlari olib borilgani uchun 92 holatda 11,14 gektar maydon toʻplangan hujjatlar asosida Prokuratura organiga oʻtkazildi.

Kadastr agentligi Qoraqalpogʻiston Respublikasi shahar va tuman boʻlimlari tomonidan Maʼmuriy javobgarlik toʻgʻrisidagi kodeksning tegishli moddalari bilan 2 411 jismoniy va yuridik shaxslarga 11 mlrd. soʻmdan oshiq jarimalar qoʻllanildi.

Kadastr agentligining Qoraqalpogʻiston Respublikasi boshqarmasi oʻz oldiga qoʻyilgan rejalar asosida noqonuniy yer egallashlarning oldin olish ishlarini davom ettirmoqda.

Kadastr agentligi

Qoraqalpogʻiston Respublikasi

boshqarmasi boshligʻi

Isatay Tleuov