“Tashqi siyosatda chuqur oʻylangan va pragmatik siyosat olib borildi” — Tanzila Narbayeva

Bugun, 6-aprel kuni, Toshkent shahrida Oʻzbekiston Respublikasi Oliy Majlisi Senatining oʻttiz toʻqqizinchi yalpi majlisi oʻz ishini boshladi.

Unda Senat, hukumat aʼzolari, vazirlik va idoralarning vakillari, Senat huzuridagi Yoshlar parlamenti aʼzolari hamda ommaviy axborot vositalari xodimlari qatnashmoqda.

Videokonferensaloqa tarzida oʻtkazilayotgan yalpi majlisni Oliy Majlis Senati Raisi Tanzila Narbayeva olib bormoqda.

«Tashqi siyosatda milliy manfaatlarga asoslangan, chuqur oʻylangan va pragmatik siyosat olib borildi. Oʻzbekiston Markaziy Osiyo mintaqasida doʻstona qoʻshnichilik va yaqin hamkorlik darajasini yangi pogʻonaga olib chiqdi.

Davlatimiz rahbari tashabbusi va saʼy-harakati bilan qoʻshni mamlakatlar bilan chegaraviy masalalar samarali tarzda hal qilindi, savdo-iqtisodiy va gumanitar aloqalarning rivojlanishi uchun qulay sharoitlar yaratildi.

Xalq diplomatiyasining rivojlanishi, Oʻzbekiston xalqi boshqa xalqlar bilan tinch-totuv, doʻstona, xavfsiz sharoitda yashashi, xorijiy mamlakatlar, ayniqsa, qoʻshni davlatlarga emin-erkin borib-kelishi, qon-qarindoshlik rishtalarini mustahkamlashi, mamlakat investitsiya muhiti yaxshilanishi uchun keng imkoniyatlar yaratadi.

Eng muhimi, Oʻzbekiston oʻz xalqi farovonligi yoʻlida bundan keyin ham faqat va faqat milliy manfaatlarga asoslangan pragmatik va koʻp vektorli tashqi siyosatni olib boradi», - deydi Narbayeva.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг