Oq uy AQSH fuqarolarini zudlik bilan Rossiyani tark etishga chaqirdi

AQSH rasmiylari Rossiyada AQSH fuqarolarining borligidan xavotirda, dedi Oq uy vakili. Shuningdek Davlat departamenti, hibsga olish xavfi tufayli amerikaliklarni Rossiyaga sayohat qilmaslikni tavsiya qildi.

AQSH maʼmuriyati Rossiyada The Wall Street Journal (WSJ) muxbiri Evan Gershkovich hibsga olinganidan soʻng AQSH fuqarolarini Rossiyani zudlik bilan tark etishga chaqirdi.

30-mart, payshanba kuni Oq uy Milliy xavfsizlik kengashining strategik aloqalar boʻyicha koordinatori Jon Kirbi Amerika fuqarolarining Rossiyada qolishi xavfli ekanligini maʼlum qildi.

Kirbining soʻzlariga koʻra, Gershkovichning hibsga olinishi va unga qarshi ayblovlar qoʻyilgani kutilmagan voqea boʻlgan.

“Hech qanday oldindan ogohlantirishsiz jurnalist qoʻlga olindi va unga nisbatan jiddiy choralar qoʻllanildi. Ayni paytda AQSH fuqarolarining hibsga olinishi yoki erkin va mustaqil matbuotning bostirilishi Rossiyada yangilik emas”, — deydi Jon Kirbi.

Oq uy bayonotida aytilishicha, Amerika fuqarolarining Rossiya rasmiylari tomonidan taʼqib qilinishi mumkin emas.

“Biz Evan Gershkovichning hibsga olinishini keskin qoralaymiz”, — dedi Oq uy matbuot kotibi Karin Jan-Pyer.

AQSH Davlat kotibi Entoni Blinken Gershkovichning hibsga olinishini Rossiyada ommaviy axborot vositalariga qarshi repressiyalar bilan bogʻladi.

“Biz Kremlning jurnalistlar va fuqarolik jamiyatini qoʻrqitish, repressiya qilish va jazolash boʻyicha davom etayotgan urinishlarini keskin qoralaymiz”, — dedi u.

Davlat departamenti, Rossiyada yashovchi yoki u orqali sayohat qilayotgan amerikaliklarga mamlakatni zudlik bilan tark etishga chaqirigʻini eslatdi.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг