So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Fransiyaliklar Toshkent viloyatida xalqaro dam olish maskanini barpo etadi
Madaniyat va turizm vazirligining maʼlum qilishicha, “Chimyon” mavsumiy oromgohi obyektlarini loyihalash, ilmiy-tadqiqot, qurilish, jihozlarni yetkazib berish va oʻrnatish, ishga tushirish boʻyicha ochiq tender oʻtkazilgan.
Taʼkidlanishicha, “Beldersoy – Chimyon – Nanay” xalqaro mavsumiy kurortini qurish va ekspluatatsiya qilish loyiha idorasi» davlat unitar korxonasi tomonidan “Chimyon turistik zonasini qurish” loyihasi doirasida eʼlon qilingan tenderda Fransiyaning “Montagne et Neige Développement” (MND) kompaniyasi gʻolib deb topilgan.
Maʼlumot uchun, MND togʻli hududlarda loyihalarni amalga oshirish boʻyicha yetakchi sanoat guruhi boʻlib, 2004-yildan buyon dunyoning 49 davlatida faoliyat yuritib kelmoqda. Kompaniya butun dunyo boʻylab “Kurchevel”, “Chamonix-Mont-Blanc”, “Rosa Xutor”, “Moleson”, “ Narvik” va boshqa 1500 dan ortiq loyihalarni amalga oshirishda ishtirok etgan.
Mazkur loyiha doirasida mavsumiy togʻ bogʻi ham tashkil etiladi. Bu bogʻda mahalliy va xorijiy sayyohlarga ochiq havoda hordiq chiqarish uchun barcha imkoniyatlar yaratiladi.
Loyihada 2515 metr balandlikka koʻtariladigan 10 kishilik asosiy kanat yoʻli (maksimal quvvati – 2000 kishi/soat) va 80 kishilik oraliq mayatnik tipidagi kanat yoʻli (maksimal quvvati – 800 kishi/soat) qurilishi ham koʻzda tutilgan.
Qayd etish joizki, hudud ziyoratchilarni 3309 metr balandlikka olib chiqadigan inshootlar mavjud boʻlgan Markaziy Osiyodagi eng baland nuqtaga aylanadi.
Shuningdek, Fransiya kompaniyasi tomonidan 20 dan ortiq turdagi qishki va yozgi attraksionlar, umumiy uzunligi 20 km dan ortiq boʻlgan 11 ta changʻi yoʻlaklari, mehmonxona majmualari va kottejlar, 6000 ta turistik maskan ham barpo etiladi.
Mazkur loyiha Toshkent viloyatining turizm infratuzilmasini rivojlantirish, mamlakatimizning togʻli hududlarida ommaviy sportni ragʻbatlantirish, keng, qulay sharoitlar va yangi ish oʻrinlari yaratishga xizmat qilishi kutilmoqda.
