So`ngi yangiliklar
Qozog‘istondagi portlashda uch nafar o‘zbekistonlik fuqaro halok bo‘ldi
O‘zbekistonda biznes muhiti ijobiy tendensiyalarni namoyon qilmoqda
Yoshlar uchun yagona elektron platforma yaratiladi
Rishtonda yosh o‘quvchi kollejda zo‘ravonlar tomonidan kaltaklandi
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Baydenda teri saratoni aniqlandi. U fevral oyida operatsiya qilingan
AQSH prezidenti oʻtgan yili murakkab jarrohlik operatsiyasini boshidan oʻtkazdi. Baydenning sogʻligʻiga masʼul shifokor, Oq uy rahbarining sogʻligʻi barqaror ekanligini maʼlum qildi.
AQSH prezidenti Jo Bayden fevral oyida jarrohlik amaliyotini oʻtkazgan. Bu haqda Amerika yetakchisining davolovchi shifokori Kevin OʻKonnor maʼlum qildi.
Shifokorning soʻzlariga koʻra, Baydenning terisida saraton oʻsmalari paydo boʻlgan va tibbiy koʻrikdan oʻtish chogʻida, ular olib tashlangan.
“Jo Bayden yoshligida koʻp vaqtini quyoshda oʻtkazgan, aynan quyosh nuri taʼsirida, uning tanasida bazilioma yuzaga kelgan. U prezident boʻlishidan oldin ham shunga oʻxshash operatsiyani boshidan oʻtkazgan”, — deydi shifokor.
Fevral oyida Kevin OKonnor amerikalik yetakchini koʻrikdan oʻtkazgach, davlat rahbarining sogʻligʻi unga AQSH prezidenti vazifalarini cheklovlarsiz bajarish imkonini berishini aytgan edi.
“Prezident Bayden 80 yoshli sogʻlom va baquvvat qariya boʻlib qolmoqda, u oʻz vazifalarini, jumladan, hukumat ijroiya hokimiyati rahbari, davlat rahbari va oliy qoʻmondonlik lavozimlarini muvaffaqiyatli bajarishga qodir”, — degan edi shifokor.
Bazilioma — saratonning eng keng tarqalgan va oson davolash mumkin boʻlgan shakllaridan biridir, ayniqsa erta aniqlansa. Oʻsimta metastaz bermaydi.
Eslatib oʻtamiz, joriy yilning yanvar oyida Baydenning rafiqasi, Jill Bayden ham teri saratoni operatsiyasidan oʻtgandi.
