So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
“Qozogʻiston Oʻzbekiston va Qirgʻizistonga qarshi urush ochishi mumkin” — Agroekspert
Kirill Pavlov Qozogʻiston bir necha yillardan keyin Markaziy Osiyo davlatlari oʻrtasida nizo keltirib chiqarishi mumkin boʻlgan masalaga eʼtibor bermayotganini tanqid qildi.
Qozogʻiston janubida ichimlik suvi bilan bogʻliq katta qiyinchiliklar paydo boʻlishi mumkin. Ushbu muammo ortidan Markaziy Osiyo davlatlari, yaʼni Qozogʻiston, Qirgʻiziston va Oʻzbekiston oʻrtasida qurolli toʻqnashuvlar yuzaga kelishi mumkin. Bu haqda Qozogʻiston “Milliy agrar ilmiy-taʼlim xoldingi” direktorlar kengashi aʼzosi Kirill Pavlov “Xalq ovozi”ga maʼlum qildi.
Uning aytishicha, hozirda Qozogʻistonda suv isteʼmoli muammosi dolzarb masalalardan biriga aylangan.
“Suv xoʻjaligi instituti Ekologiya vazirligiga oʻtkazilgani, balki toʻgʻridir, balki behudadir. Mamlakatimizda suv bilan bogʻliq jinoyatlar sodir etilmoqda. Maʼlum bir kichik guruh nihoyatda boyib ketmoqda, 10 ming fermer esa yerlarini sugʻarolmaydi”, — dedi Kirill Pavlov.
Uning soʻzlariga koʻra, sugʻorish kanallarini tiklash va taʼmirlash uchun har yili katta miqdorda mablagʻ sarflanadi, biroq ular haligacha dahshatli ahvolda.
“Ochiq manbalardagi suvni baholash metodologiyasi 1987-yilda qabul qilingan. Oʻshandan beri hech narsa oʻzgarmadi”, — dedi u.
Pavlov Qozogʻiston oʻz oldida turgan muammoni 2027-yilgacha hal etmasa, qoʻshni davlatlar bilan jang qilishgacha borishi mumkin.
“Qozogʻiston suv bilan bogʻliq katta qiyinchiliklarga duch kelmoqda, ular (Kazvodxoz - tahr.) esa vabo paytida tinchlik oʻrnatishga urinishyapti.
2027-yildan Qozogʻiston janubida suv tanqisligi, ichimlik suvi bilan birga 50 foizdan oshadi, 2030-yilga borib esa Qozogʻistonning qurollanish ehtimoli juda yuqori. Keyinchalik ular (Qozogʻiston — tahr) Qirgʻiziston va Oʻzbekistonga daʼvolar bilan boradi.
Shveysariya hozir aytmoqda: bir stolga oʻtirib kelishib olinglar, urush kerak emas. Buning uchun pul ajratishdi, keling, muzokara stoliga oʻtiring, deb iltimos qilishyapti. Biz buni qilolmaymiz.
Muzokaralar boʻlyapti, lekin hammaning ritorikasida shunday soʻzlar bor: “Hammangiz ahmoqsiz, hammangiz yolgʻon gapiryapsiz, buni hech kim tan olishni istamaydi”, - deydi Kirill Pavlov.
