So`ngi yangiliklar
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Shimoliy Soʻx yerosti gaz saqlash inshooti yana qayta ishga tushirilishi mumkin
Energetika vaziri Oʻzbekiston tomoni uzoq vaqt foydalanilmagan gaz saqlash inshootining hozirgi holatini oʻrganib chiqishini maʼlum qildi.
Shimoliy Soʻx yerosti gaz saqlash inshooti yana qayta ishga tushirilishi mumkin. Bu haqda Prezident Shavkat Mirziyoyev kecha, 1-fevral kuni Andijon shahrida oʻtgan yigʻilishda maʼlum qilgan.
“Afsuski oʻz vaqtida Soʻxdagi yerosti gaz saqlash inshooti ayrim sabablar bilan yopib qoʻyilgan edi. Qirgʻizistondagi davlat tashrifi chogʻida Sadir Japarov bilan bu masalada ham kelishib oldik. Yaqinda energetika vazirimiz Qirgʻizistonga borib, texnik tomonlarini kelishib keladi”, — dedi Prezident.
Shuningdek, mazkur masala yuzasidan energetika vaziri Joʻrabek Mirzamahmudov OʻzAga intervyu berdi.
“Shimoliy Soʻx yerosti gaz saqlash inshootining hajmi taxminan 2,5-3 mlrd kub metr atrofida. Shundan 1,3 mlrd kub metr gazdan foydalanish mumkin, qolgani bufer zonada turadi. Bu degani qish mavsumida vodiyni har kuni 13 mln kub metr gaz bilan taʼminlash imkoniyatimiz boʻladi.
Mazkur inshootning asosiy gaz saqlash qismi Qirgʻiziston hududida joylashgan, kompressorlar esa Oʻzbekiston hududida. Shu sababli inshootdan umumiy foydalanish borasida muzokaralar olib boriladi.
Eng avvalo ishchi guruh barcha texnik va iqtisodiy tomonlarini batafsil oʻrganib chiqadi. Chunki inshootdan ancha yillardan buyon foydalanilmagan, hozirgi holatini yaxshilab oʻrganib chiqishimiz kerak. Shundan soʻng shartlar kelishib olinadi. Balki bu ijara huquqi asosida boʻlar, lekin hozircha biror fikr aytishga erta”, — dedi energetika vaziri.
.jpg)
