So`ngi yangiliklar
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
Oltinning narxi tarixiy rekord darajaga oshdi
Markaziy Osiyolik migrantlar Rossiya oʻrniga Xitoy, Koreya va Yevropani tanlamoqda. Sababi nimada?
Putin Ukraina bilan toʻgʻridan toʻgʻri muzokaralarni taklif qildi: Kiyev qanday javob qaytaradi?
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
Qoʻqonda “Baxshichilik sanʼatida ustoz-shogird anʼanalari” respublika ilmiy-amaliy konferensiyasi oʻtkazildi
Xalqaro baxshichilik sanʼati festivali Prezident tashabbusi yoʻlga qoʻyilgan.
Qoʻqon shahrida Respublika madaniyat muassasalari faoliyatini tashkil etish ilmiy-metodik markazi tomonidan “Baxshichilik sanʼatida ustoz-shogird anʼanalari” respublika ilmiy-amaliy konferensiyasi oʻtkazildi. Bu haqda Madaniyat va turizm vazirligi xabar bermoqda.
Anjumanda Oʻzbekistonda xalq ogʻzaki ijodining goʻzal va betakror namunasi boʻlgan baxshichilik sanʼatini asrab-avaylash va rivojlantirishga katta eʼtibor qaratilayotgani alohida taʼkidlandi.
Xususan, bu borada qabul qilingan Prezident Farmon va qarorlari soha ravnaqiga yangi hayot bagʻishladi. Prezident tashabbusi bilan Xalqaro baxshichilik sanʼati festivalini oʻtkazish yoʻlga qoʻyildi.
Konferensiya ishtirokchilari bu boradagi ishlarni yanada takomillashtirish, “ustoz-shogird” anʼanasining ahamiyati xususida oʻz fikr-mulohazalarini bildirdi.
Taʼkidlash kerak, baxshi-shoir va oqinlar oʻrtasida xalqaro koʻrik-tanlovlar muntazam tashkil etib kelinmoqda, taʼlim muassalarida baxshichilik sanʼati sirlarini oʻqitish, kelajak avlodlarga yetkazish borasida ham katta ishlar qilinmoqda.
“UNESCOʻning Nomoddiy madaniy merosni asrash hukumatlararo qoʻmitasi tomonidan Baxshichilik sanʼati Insoniyatning nomoddiy madaniy merosi reprezentativ roʻyxatiga kiritilgani amalga oshirilayotgan ezgu saʼy-harakatlarning xalqaro miqyosdagi eʼtirofi sifatida barchamizga alohida gʻurur bagʻishlaydi.
Umuman, baxshichilik sanʼati yurtimizdagi turli millat va elatlar oʻrtasida oʻzaro hurmat, bir-birini tushunish va hamjihatlik muhitini yanada mustahkamlash, yoshlarni ona yurtga, milliy-madaniy qadriyatlarimizga sadoqat ruhida tarbiyalashga xizmat qilmoqda”, — deyiladi xabarda.
