Istanbulning “Tirik kutubxonasi” ochildi

Istanbulning Ayyub Sulton mavzesida joylashgan Rami kutubxonasi XVIII asrdagi sobiq Rami kazarmasida joylashgan.

Asl tuzilma va materiallar asosida amalga oshirilgan taʼmirlash, qurilish va qayta tiklash ishlaridan soʻng, Rami kutubxonasi “Istanbuldagi eng katta kutubxona”ga aylandi va Yevropaning oʻziga xos xususiyatlariga ega sanoqli yetakchi kutubxonalar qatoriga kirdi.

Rami kampusi 4200 kishiga moʻljallangan boʻlib, unda, koʻplab boʻlimlar, jumladan, bolalar kutubxonasi, raqamli kutubxona, yoshlar kutubxonasi, kattalar kutubxonasi va turli ixtisoslashtirilgan kutubxonalarga ega. Zamonaviy kutubxona xizmatlarini koʻrsatish maqsadida majmuada 24 soatlik oʻquv zallari, bolalar boʻlimi, guruh va individual oʻquv zallari ham mavjud.

36 000 m² yopiq maydonda 2,5 million jildni oʻz ichiga olgan kutubxonaning 51 000 m² koʻkalamzorlashtirilgan maydoni uni Yevropadagi “eng katta yopiq landshaft maydoniga ega kutubxona” ga aylantiradi. Ushbu keng yashil maydondan tashqari, Rami kutubxonasida daraxtlar bilan oʻralgan 1000 m² sunʼiy hovuz mavjud.

Turkiyada Barqaror Muzey sertifikatini olgan birinchi majmua

Rami kutubxonasi Turkiyaning birinchi “Biosfera barqaror muzeyi sertifikati”ga ham ega. Kutubxona har jihatdan barqarorlik tamoyillariga, shu jumladan restavratsiya texnikasi va infratuzilma tizimlariga, mahalliy madaniy hayotni qoʻllab-quvvatlovchi tuzilmaga va tashrif buyuruvchilar uchun yangi yashil maydoniga toʻliq mos kelishini eʼtirof etgan holda “Biosfera Barqaror Muzeyi” sertifikatini, turizm barqarorligi sertifikatini qoʻlga kiritdi. Bundan tashqari, kutubxona qadimiy manbalar va maʼlumotlarni kelajak avlodlarga yetkazadigan tizimdir.

Istanbulning “Tirik kutubxonasi”

Rami kutubxonasi, “tirik kutubxona” tushunchasi va zamonaviy kutubxonachilik kontsepsiyasi doirasida jamiyatning madaniy, taʼlim va sanʼat ehtiyojlarini qondirish uchun ishlab chiqilgan tarzda Istanbulda barpo etildi. Kutubxona oʻzining xilma-xilligi bilan barcha yoshdagi mehmonlarni oʻziga jalb qiladi.

Bu boʻlimda Turkiya Respublikasi tarixi, turk tili va madaniyati, ayniqsa Otaturk tarixiga oid asarlar bilan birga ijtimoiy va gumanitar fanlar sohasida faoliyat yuritayotgan tadqiqotchilar va kitobxonlarga xizmat koʻrsatadigan 20 000 dan ortiq kitoblardan iborat boy toʻplam taqdim etilgan.

“Shifahane” – restavratsiya boʻlimida oʻtmish kelajakka olib borildi

Kutubxona inventarida roʻyxatga olingan qoʻlyozmalar va nodir bosma asarlar, qoʻlyozmalar kutubxonasi ichida joylashgan “Shifahane” (qayta tiklash boʻlimi)da saqlanadi.

Turli jild va kitoblarning eskirganligi kutubxona laboratoriyasida olib borilgan tadqiqotlar orqali baholanib, qayta tiklash ishlari mutaxassislar tomonidan puxtalik bilan olib boriladi. Shifahanedagi asarlar tegishli sharoitlarda saqlanadi va muntazam ravishda nazorat qilinadi.

Madaniyat, tarix va sanʼat sohalarida Istanbulda “birinchi diqqatga sazovor joy” boʻlishi kutilayotgan Rami kutubxonasi oʻquvchilar va tadqiqotchilarga millionlab kitoblar, kitob boʻlmagan materiallar va raqamli manbalarni taqdim etadi. Kutubxonada yil davomida suhbatlar, seminarlar, mahorat darslari va koʻrgazmalar ham oʻtkaziladi.

Tarixiy kazarmadan Turkiyadagi eng katta kutubxonagacha

Rami kazarmasi, arxiv maʼlumotlarida maʼlum boʻlishicha, Usmonlilar imperiyasi Sulton Mustafo III (1757-1774) davrida vazir Rami Mehmet Posho tomonidan qurilgan. Respublika davrida ham armiyaga xizmat qilgan kazarmalardan 1960-yillargacha faol foydalanilgan. Hozirda ushbu barak Turkiyaning eng asosiy kutubxonalaridan biriga aylantirildi. Restavratsiya ishlari 2014-yilda boshlanib, 2023-yilda yakunlandi.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг