So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Oʻzbekiston va Bolgariya oʻrtasida charter aviaqatnovlar yoʻlga qoʻyilishi kutilmoqda – Madaniyat va turizm vazirligi
Ozodbek Nazarbekovning birinchi oʻrinbosari Ulugʻbek Aʼzamov Bolgariya Respublikasi Turizm vaziri Ilin Dimitrov bilan uchrashuv oʻtkazdi.
Oʻzbekiston va Bolgariya oʻrtasida charter aviaqatnovlar yoʻlga qoʻyilishi kutilmoqda. Bu haqda Madaniyat va turizm vazirligi matbuot xizmati xabar berdi.
Taʼkidlanishicha, Madaniyat va turizm vazirligi binosida Bolgariya Respublikasi turizm vaziri Ilin Dimitrov bilan Madaniyat va turizm vaziri Ozodbek Nazarbekovning birinchi oʻrinbosari Ulugʻbek Aʼzamov oʻrtasida uchrashuv oʻtkazilgan.
Uchrashuvda tomonlar Oʻzbekiston hamda Bolgariya oʻrtasida turizm sohasidagi hamkorlikni yanada rivojlantirish, oʻzaro turistlar oqimini oshirish, sohada faoliyat olib borayotgan tadbirkorlik subyektlarining aloqalarini oʻrnatishga koʻmaklashish va ikki davlat oʻrtasida charter aviaqatnovlarni yoʻlga qoʻyish yuzasidan muzokaralar olib borgan.
Bolgariya tomoniga Oʻzbekiston turizmida amalga oshirilayotgan islohotlar, turistik investitsiya loyihalari, shuningdek, tadbirkorlik subyektlari uchun yaratilgan qulay sharoitlar hamda investorlar uchun taqdim etilayotgan imtiyozlar toʻgʻrisida maʼlumot berilgan.
Uchrashuv yakuniga koʻra, Oʻzbekiston hamda Bolgariya Respublikalarida turizm sohasida faoliyat olib borayotgan tadbirkorlik subyektlarini jalb etgan holda Toshkent shahrida joriy yilning aprel oyida B&G, B2B formatida uchrashuvlar tashkillashtirish, Oʻzbekistonning turizm salohiyatini keng targʻib etishga qaratilgan maʼlumotlarni Bolgariya ommaviy axborot vositalarida namoyishini yoʻlga qoʻyish boʻyicha dastlabki kelishuvlarga erishilgan.
