title

So`ngi yangiliklar

10:22 / 2025-12-11 38

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 37

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 74

Navoiyda qishloq xo‘jaligi xodimlari taqdirlandi

22:27 / 2025-12-09 159

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 166

Andijon viloyati hokimiga yangi o‘rinbosarlar tayinlandi

13:44 / 2025-12-09 171

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 123

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 126

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

10:54 / 2023-01-16 727 0 Siyosat

21 nafar hokim masʼuliyatni his qilmagan. Mustafoyev, Normatov, Abdullayevga 3 oy sinov muddati berildi

Prezident Shavkat Mirziyoyev raisligida qish mavsumida aholini energiya resurslari bilan uzluksiz taʼminlash boʻyicha koʻrilayotgan choralar yuzasidan kengaytirilgan yigʻilishda respublikaning qolgan hududlarida ham ahvol yomonligi ham tanqid qilindi.

Ayniqsa, Zangiota, Toshkent, Buloqboshi, Xoʻjaobod, Uchqoʻrgʻon, Koson, Karmana, Qamashi, Shofirkon, Xoʻjayli, Denov, Sharof Rashidov, Pastdargʻom, Fargʻona, Paxtabod, Hazorasp tumanlari hamda Samarqand, Namangan, Fargʻona, Guliston, Chirchiq shaharlari hokimlari masʼuliyatni his qilmasdan, bir oy oldingi sovuq kunlardan hech qanday xulosa chiqarmagani koʻrsatib oʻtildi.

Toshkent viloyati hokimi Zoyir Mirzayev qatʼiy ogohlantirildi, Chirchiq shahar hokimi Davron Hidoyatovga “hayfsan” berildi. Bugungi kunda barcha darajadagi rahbarlarning eng katta vazifasi – elektr va gaz tarmoqlarining uzluksiz ishlashini taʼminlab berish. Lekin tegishli sohalar mutasaddilari buni uddalay olmayapti.

Shu munosabat bilan energetika vaziri oʻrinbosari Sherzod Xoʻjayev lavozimidan ozod etildi.

“Hududiy elektr tarmoqlari” rahbari Ulugʻbek Mustafoyev, “Oʻztransgaz” rahbari Behzod Normatov va “Oʻzbekneftgaz” rahbari Mehriddin Abdullayev ham lavozimidan ozod etilib, ularga vazifasini bajaruvchi lavozimida 3 oy sinov muddati belgilandi.

Agar tarmoq korxonalarining ayrim moliyaviy masalalari vaqtida yechib berilganda, daromadlarining bir qismi investitsiya qilinib, tarmoqlarni yangilashga yoʻnaltirganda vaziyat bunchalik ogʻir boʻlmas edi, deb taʼkidlandi yigʻilishda. Bu masalada ham masʼullar eʼtiborsizlik qilgani tanqid qilindi.

Endi butunlay boshqacha tizim boʻlishi – strategik korxonalar Strategik islohotlar agentligiga oʻtkazilishi belgilandi.