So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
“Oʻzbekneftgaz”: Qish mavsumida aholiga uzluksiz suyultirilgan gaz yetkazib berish boʻyicha Muborak gazni qayta ishlash zavodida bajarilayotgan ishlar holati oʻrganildi
Avval xabar berganimizdek “Oʻzbekneftgaz” AJ Boshqaruvi raisi Mehriddin Abdullayev boshchiligidagi “Ishchi guruh” aʼzolari Qashqadaryo viloyatidagi korxonalarda gaz qazib chiqarish va qayta ishlash texnologik qurilmalarining anomal sovuq kunlarda barqaror ishlashini taʼminlash boʻyicha koʻrilayotgan chora-tadbirlarni nazorat qilmoqda.
2023-yil 13-yanvar kuni Boshqaruv raisi boshchiligidagi “Ishchi guruh” Muborak gazni qayta ishlash zavodida gazni qayta ishlash jarayonlari barqarorligini taʼminlash ishlari bilan tanishdi.
Zavoddagi gazni qayta ishlash qurilmalarida muzlashning oldini olish boʻyicha koʻrilayotgan chora-tadbirlari, ishlab chiqarish jarayonlarida energiya sarfini kamaytirish hamda suyultirilgan gaz ishlab chiqarishni barqaror taʼminlash boʻyicha koʻrilgan chora-tadbirlar ijrosi nazorat qilindi.
Gaz tarkibidan propan-butan aralashmasi ajratib olish qurilmalarida suyultirilgan gaz ishlab chiqarish jarayonlari ham oʻrganildi. Eslatib oʻtamiz, Muborak gazni qayta ishlash zavodi tomonidan bir sutka davomida 42 million kub metr tabiiy gaz oltingugurt birikmalaridan tozalanib, “Oʻztransgaz” AJ magistral gaz kuvurlariga yetkazib berilmoqda. 2023-yilning 1-12-yanvar kunlari 516 million kub metr yetkazib berildi.
Zavodning markaziy dispetcherlik boshqaruv pultiga ham borilib, bu yerda boshqaruv jarayonlarini avtomatlashtirish va raqamlashtirish boʻyicha amalga oshirilayotgan ishlar bilan tanishildi.
2023-yilda Muborak zavodida 18,5 mlrd kub metr gazni qayta ishlash, 278,4 suyultirilgan gaz va 211,3 ming tn oltingugurt ishlab chiqarish rejalashtirilgan.
Zavodning gazni qayta ishlash qurilmalarida Muborak boshqarmasidan tomonidan yetkazib beriladigan tabiiy gazni qayta ishlash bilan birgalikda, “LUKOYL” Qoʻshma korxonasi, “SANEG”, “Natural gaz stream” xorijiy korxonalari kabi 5 ta korxonalar tabiiy gazini qayta ishlash xizmati koʻrsatiladi. Shu oʻrinda zavod tomonidan qoʻshma korxonalarga xizmat koʻrsatishning barqarorligini taʼminlash boʻyicha zavod rahbariyatiga koʻrsatmalar berildi.
Muborak zavodi tomonidan aholi va ijtimoiy soha obyektlari ehtiyoji uchun suyultirilgan gaz yetkazib berishni muntazam taʼminlash, xususan “Hududgaztaʼminot” AJ hududiy filiallariga avtotsisterna va vagon sisternalari orqali yuklash, temir yoʻl tizimi korxonalari bilan joʻnatish ishlarini doimiy tashkillashtirish boʻyicha zavod rahbariyati hamda tegishli departamentlarga topshiriqlar berildi.
Maʼlumot oʻrnida taʼkidlash joizki, 2022-yilda zavod tomonidan 298,4 ming tonna suyultirilgan gaz ishlab chiqilib, shundan aholi va ijtimoiy soha ehtiyoji uchun 282,4 ming tonna mahsuloti yetkazib berilgan boʻlsa, 2023-yil boshidan 9,7 ming tonna mahsulot ishlab chiqilib, 9,8 ming tonna suyultirilgan gaz yuklab joʻnatildi.
“Oʻzbekneftgaz” AJ Matbuot xizmati
