“Investor yangi stadion qurib beradi” — Botir Zokirov

Buxoro viloyati hokimi viloyatning yaqin kelajakdagi asosiy yoʻnalishi turizm boʻlishini taʼkidladi.

Bugun, 14-yanvar kuni Buxoroda Qurilish va uy-joy kommunal xoʻjaligi vaziri Botir Zokirov boshchiligida shahar markazida “Turizm shaharchasi” qurilishi yuzasidan matbuot anjumani oʻtkazilmoqda. Unda masʼullar, sektor rahbarlari, jurnalist va blogerlar hamda keng jamoatchilik vakillari ishtirok etmoqda.

Buxoro viloyati hokimi ayni kunda ijtimoiy tarmoqlarda tarqalayotgan voqealarga izoh berar ekan, shahar hududida buzilishi koʻzda tutilgan 19 ta binoning 11tasi tadbirkorlarga tegishli ekanini, birorta fuqaroning manfaatiga zarar yetkazilmasligini aytdi.

“Buzaladigan joylarda birorta fuqaroning yashash joyi yoʻq, ularning manfaatiga zarar yetmaydi. Viloyat hokimligi binosiga kelsak, bizga buncha katta binoning keragi yoʻq. Investor stadionning yangisini avvalgisidan yaxshi qurib berganidan keyin bu masalani koʻrib chiqamiz. Daraxtlar maksimum saqlab qolinadi. 11 gektar joy yashil maydon boʻladi. Albatta, bular faqat taklif”, — dedi Botir Zaripov. 

Shuningdek, Buxoro viloyati hokimi turizm shaharchasini qurish taklifi bilan chiqilganini, viloyatning yaqin kelajakdagi asosiy yoʻnalishi turizm boʻlishini taʼkidladi.

“2025-yilga borib turistlar oqimini 8-10 millionga yetkazmoqchimiz. Ayni kundagi shahar infratuzilmasi turistlarni kutib olish talabiga javob bermaydi. Shahardan ikki ming mashina ahlat chiqardik”, — dedi viloyat rahbari.

Shuningdek, Zaripovning aytishicha, viloyatdagi koʻp tarixiy obidalar qulash arafasida turibdi.

“Ularni rekonstruksiya qilish uchun 40 millard soʻm ajratildi”, — deydi viloyat hokimi.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг