EFFECT.UZ – ҲАҚИҚАТ УЧУН!
Сўнгги янгиликлар
“ШҲТ саммити доирасида 20дан ортиқ келишув ва шартномалар имзоланиши кутилмоқда” – Бобир Иззатуллаев

“ШҲТ саммити доирасида 20дан ортиқ келишув ва шартномалар имзоланиши кутилмоқда” – Бобир Иззатуллаев

Адлия вазирлиги ҳузуридаги Ҳуқуқий сиёсат тадқиқот институти масъул ходими Иззатуллаев Бобиржон Иззатуллаевич Шанхай Ҳамкорлик Ташкилотининг Самарқанд саммити доирасидаги рақамли трансформация соҳасида асосий йўналиш ва устувор вазифалар ҳақида маълумот берди.

Юртимизда тўртинчи бор ўтказилаётган Шанхай ҳамкорлик ташкилоти (ШҲТ) навбатдаги саммити доирасида кўриладиган масалалар бугунги долзарб соҳаларни қамраб олиши билан жамоатчилик эътиборини жалб этмоқда. Хусусан, тадбир доирасида кўриладиган ана шундай соҳалардан бири рақамли трансформация масаласидир.
Ҳақиқатдан, бугунги кунда ҳаётимизни рақамли технологияларсиз тасаввур этиш қийин. У жамият ҳаётининг барча соҳаларига кириб бормоқда. Шунингдек, давлатларнинг муҳим тармоқларида рақамлаштиришнинг улуши ортиб бормоқда. Ҳисоб китобларга кўра, дунёда рақамли трансформация учун харажатлар 2021 йилда 2,8 трлн. долларни ташкил этган бўлса, 2025 йилга келиб мазкур харажатлар икки баравар кўпайиши мумкин. Айниқса пандемия даврида рақамлаштириш жараёнлари кучайиб давлатлар ўз тармоқларини ушбу жараёнга тезлик билан мослаштиришга ҳаракат қилдилар.
Бугунги кунда, дунёда стартапларни молиялаштиришнинг 94%и ахборот технологияларига тўғри келмоқда. Рақамли технологияларга киритилган инвестициялар эса рақамли бўлмаганга қараганда 6-7 баравар юқоридир.
Рақамли трансформациянинг аҳамияти ва  долзарблигини ҳисобга олиб  ШҲТ саммити доирасида мазкур соҳадаги қўйидаги асосий йўналиш ҳамда устувор вазифаларга эътибор қаратилади:
Транспорт ва логистика соҳасида рақамлаштириш масалалари. Мазкур соҳада инфраструктурани яхшилаш ва рақамлаштириш орқали минтақада транспорт харажатларини 30 фоизга камайтириш ва транспорт йўналишларининг ўтказиш қобилиятини 40 фоизга ошириш мумкин. ШҲТ аъзо давлатлар маконидаги улкан савдо-иқтисодий салоҳиятдан келиб чиқиб, мазкур соҳада ҳамкорликни янада ривожлантириш муҳим вазифалардан биридир.

Хусусан, ташкилот аъзо давлатлари пандемиядан кейин транспорт ва логистика соҳасини ривожлантириш орқали иқтисодий ва ижтимоий тикланишга фаол ҳаракат қилмоқдалар. ШҲТ аъзо мамлакатларда савдо-иқтисодий ҳамкорликни ривожлантириш учун катта имкониятлар мавжуд. Мисол учун, ITB методологияси ёрдамида амалга оширилган ҳисоб-китоблар Марказий Осиё мамлакатларининг ўзаро савдода 1,1 миллиард долларлик амалга оширилмаган экспорт салоҳияти мавжудлигини кўрсатади. Биргина Ўзбекистон Марказий Осиё мамлакатларига 600 миллион доллардан зиёд маҳсулотларни экспорт қилиш салоҳиятига эга.
Хитойнинг иқтисодий қудрати ва имкониятлари бутун дунёга маълумдир. Нуфузли тадқиқот институтлари ҳисоб-китобларига кўра, Хитой иқтисодиёти 2025-йилгача — йиллик 5,7 фоиз, 2026—2030-йилларда — йиллик 4,5 фоиз ўсишни кўрсатмоқда.  Шундан келиб чиқиб, саммит доирасида ички минтақавий савдони ривожлантириш, саноат кооперацияси, транспорт боғлиқлиги стратегияси каби ҳужжатларнинг қабул қилиниши, ташкилотга аъзо давлатлар билан 20 дан ортиқ келишув ва шартномалар имзоланиши кутилмоқда.
Ахборот хавфсизлигини таъминлаш ва кибержиноятларга қарши курашиш бугунги глобал ахборот асрида аҳамияти янада ортмоқда.  Хусусан, сўнгги йилларда, (асосан пандемия даврида) кибержиноятлар 600% га ўсган. Маълумотларга кўра, 2021 йилда кибержиноятлардан зарар 6 трлн. доллардан ошган. Cybersecurity Ventures келгуси беш йил ичида глобал кибержиноятчиликдан зарар йилига 15 фоизга ўсиб, 2025 йилга бориб йилига 10,5 триллион долларга етишини башорат қилмоқда.
ШҲТ саммити ахборот хавфсизлигини таъминлаш ва кибержиноятларга қарши курашишнинг аҳамиятини англаган ҳолда, ташкилотининг 2025-йилгача бўлган ривожланиш стратегиясида мазкур муаммога алоҳида эътибор қаратилган. Мазкур ҳужжатда аъзо давлатларнинг белгиланган халқаро нормалардан келиб чиқиб халқаро ахборот хавфсизликни таъминлашда биргаликда ҳаракат қилиши қайд этилган.
Ахборот хавфсизлигини таъминлаш алоҳида аҳамиятга эга бўлиб, ШҲТга аъзо давлатлардан ахборот соҳасидаги замонавий хавф ва таҳдидларга қарши курашишнинг мувофиқлаштирилган механизмларини ишлаб чиқишни талаб қилади.
Шундан келиб чиқиб, Самарқандда бўлиб ўтадиган ШҲТ саммити доирасида минтақада инсон ҳуқуқлари ва қонун устуворлигини таъминлаш контекстида ахборот технологиялари соҳасида таҳдидларга қарши курашиш масалалари муҳокама қилиниши режалаштирилган.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING