Сўнгги янгиликлар
Жаслиқ қамоқхонасининг собиқ маҳбуси Чўян Маматқулов яна қамалди
Тошкент вилоятида ЙПХ машинаси иштирокида ЙТҲ юз берди
Фарғонада аёлнинг соғлом оёғини кесиб юборган шифокор судланди
Шавкат Мирзиёев Жиззах вилояти Зомин туманида қурилаётган маиший техника заводини кўздан кечирди
Андижонда бошқа бир аёлни самосуд қилган бутик раҳбарини ИИБ назоратга олди
Ўзбекистон ва Қозоғистон чегарасида нефть маҳсулотлари контрабандаси учун қазилган яширин туннель фош этилди
Зомин технопаркида илк корхона ишга тушди
Феруза Муҳаммаджонова: «Пиво фестивали — миллий қадриятларга нисбатан таҳқир»
Жаслиқ қамоқхонасининг собиқ маҳбуси Чўян Маматқулов яна қамалди
Бу ҳақда “Эзгулик” инсон ҳуқуқлари жамияти раиси Абдураҳмон Ташанов маълум қилди.
"Каримов замонининг собиқ сиёсий маҳбуси Чўян Маматқулов яна қамалди. Жиноят ишлари бўйича Қашқадарё вилояти Деҳқонобод тумани судининг ҳукми билан 5 йил муддатга озодликдан маҳрум қилинган Чўян Маматқулов Ўзбекистон Республикаси ЖКнинг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан айбланган.
Ўзбекистон Республикаси Биринчи Президенти Ислом Каримовни судга бериши ортидан танилган Ўзбекистон Республикаси Қуролли Кучларининг собиқ зобити Чўян Маматқулов 2012 йилнинг августида Жиноят кодесининг 8 та моддаси билан айбланиб, 10 йилга озодликдан маҳрум қилинган ва жазо муддатининг аксар қисмини Жаслиқ лагерида ўтаган эди. 2018 йилнинг баҳорида янги сиёсат туфайли муддатидан аввал озод қилинган Маматқулов кейинчалик тўлиқ оқланган эди.
Жамиятимизга Маматқуловнинг адвокатлари мурожаат қилиб, жиноят иши терговининг бир томонлама олиб борилгани, жиноят иши материалларида далиллар сохталаштирилгани ҳақида хабар берди. Олий суд негадир судланувчининг аппеляция шикояти бошқа вилоятда кўрилиши ҳақидаги аризаларни эътиборсиз қолдирмоқда.
Олий суд жиноят ишининг бошқа вилоятда кўрилишини таъминласа, адолатдан бўларди", дейди Ташанов.
