Сўнгги янгиликлар
Россиянинг Екатеринбург шаҳрида мушкул аҳволда қолган ўзбекистонликлар Ватанга қайтарилди
Юрак бир сония ҳам тўхтамади: Дунёда илк бор уриб турган юрак кўчириб ўтказилди
«Қўйлиқ» деҳқон бозори ёпилмаслиги маълум қилинди
АҚШ етакчиси Алкатрас қамоқхонасини қайта очишни буюрди
Туркия 2025 йилнинг илк чорагида туризмдан рекорд даражадаги 9,5 миллиард доллар даромад олди
АҚШда фуқаролар томонидан божсиз ўз эҳтиёжлари учун товар олиб кириш бутунлай бекор қилинди
Фарғонада 30 мингдан ортиқ аҳоли ҳамон ичимлик сувисз яшаяптими?
Фарғонада газ баллони портлаган Lacetti ҳайдовчиси 3 йилга қамалди
Шамсиддин Тожиев Олий суд судьяси лавозимидан озод этилди
Билдирилишича, бугун, 30 апрель куни Олий Мажлис Сенатининг олтинчи ялпи мажлиси қарорига асосан Шамсиддин Мамарежабович Тожиев Олий судининг судьяси лавозимидан озод этилган.
Ўзбекистон Республикаси Олий судининг судьяси лавозимида фаолият юритиб келаётган Шамсиддин Тожиев бошқа ишга ўтгани муносабати билан эгаллаб турган лавозимидан озод этилди. Бу ҳақида Судьялар олий кенгаши хабар берди.
Ўз навбатида Судьялар олий кенгаши қарори билан Шамсиддин Тожиев судьялик ваколат муддати даврига Тошкент шаҳар жиноят ишлари бўйича Юнусобод туман судининг раиси лавозимига тайинланган. Кенгаш қарори 2025 йил 1 майдан кучга кириши белгиланган.
Маълумот учун, Шамсиддин Тожиев 2019 йилнинг октябрь ойида 10 йил муддатга Олий суд судьяси лавозимига сайланганди.
У 1979 йилда Қашқадарё вилоятида туғилган. Миллати – ўзбек. Маълумоти – олий. Мутахассислиги – ҳуқуқшунос. 2001 йилда Тошкент давлат юридик институтининг бакалавр босқичини, 2003 йилда Тошкент давлат юридик институтининг магистратура босқичини тугатган.
Шамсиддин Тожиев меҳнат фаолиятини Олий судда маслаҳатчи лавозимида бошлаган ҳамда фаолияти давомида Олий суднинг турли лавозимларида ишлаган.
