Сўнгги янгиликлар
Атроф-муҳитни муҳофаза қилиш соҳасида ШҲТ доирасида ҳамкорлик йўлга қўйилади
Хоразмда 27 та лифт янгиланмоқда, аммо ўрнатиш жараёнида қатор муаммолар аниқланди
Қамчиқ ва Дарбанд йўналишлари учун Hyundai Rotem тезюрар поездлари харид қилинади
“Тартибга солиш қумдони” доирасида ипотека облигациялари муомаласи тартиби тасдиқланди
2026 йилда инфляция даражаси 7 фоизгача туширилади
Туркиядаги 4 та қишлоқ “2025 йилнинг энг яхши туризм қишлоғи” мақомига сазовор бўлди
Истанбул – қадим тарих ва маданият ўчоғи
Ўзбекистонда мажбурий авто суғурта тизимидаги янгиликлар: 2026 йилдан нималар ўзгаради ва ҳайдовчилар учун эслатмалар
Путин Украина билан тўғридан тўғри музокараларни таклиф қилди: Киев қандай жавоб қайтаради?
Россия президенти Владимир Путин Украинага қарши кенг кўламли уруш бошланганидан бери илк бор икки томонлама музокараларни бошлаш ташаббуси билан чиқди. Бу ҳақда Reuters ахборот агентлиги маълум қилди.
Нашрга кўра, Украина президенти Владимир Зеленский ҳозирча Путиннинг бу ташаббусига аниқ жавоб қайтармаган бўлсада, Киев «ҳар қандай тинчлик суҳбатларига тайёр» эканлигини алоҳида таъкидлаган.
Қайд этилишича, Путиннинг ушбу баёноти АҚШ томонининг жиддий босими остида пайдо бўлган. Чунки бир неча кун аввал Америка Қўшма Штатлари тинчликка эришиш учун олиб борилаётган ҳаракатларда сезиларли ютуқ бўлмаса, ушбу жараёндан чиқиб кетиш билан таҳдид қилган эди.
Путин ўз баёнотида қуйидагиларни билдирди: «Биз ҳар қандай тинчлик ташаббусларини ижобий қабул қиламиз ва Киев режими вакиллари ҳам бунга шундай ёндашишига умид қиламиз».
Шундан сўнг Кремлнинг расмий вакили Дмитрий Песков Путин сўзларига ойдинлик киритиб, «Президент тинч аҳолига қарши ҳужумларни тўхтатиш масаласини, жумладан, икки томонлама тартибда муҳокама қилиш мумкинлиги ҳақида гапирганда айнан Украина билан музокараларни назарда тутган эди», деб таъкидлади.
Песковнинг қўшимча қилишича, Россия можарога тинчлик йўли билан ечим топиш учун ҳамон очиқ. У АҚШ билан олиб борилаётган музокаралар натижа беришига умид билдирди.
Эслатиб ўтиш жоизки, Россия ва Украина ўртасидаги тўғридан тўғри музокаралар 2022 йил февраль ойида Россиянинг Украина ҳудудига кенг кўламли босқинидан сўнг илк бор таклиф этилмоқда. Бунгача икки давлат ўртасида бундай форматдаги мулоқотлар кузатилмаган эди.
Ўтган ҳафта сўнггида АҚШ президенти Доналд Трамп ва мамлакат давлат котиби Марко Рубио агар бир неча кун ичида тинчлик музокаралари бўйича аниқ натижа кузатилмаса, бу ҳаракатлардан воз кечиши мумкинлигини айтган эди. Орадан кўп ўтмай Трамп икки давлат «шу ҳафта ичида тинчлик келишувига эришади», деган башорат билан чиқди.
Россия ва Украина ўртасидаги вазиятга оид кейинги янгиликлар дунё ҳамжамияти томонидан диққат билан кузатилмоқда. Айни вақтда ҳамманинг эътибори Киев бу музокараларга қандай муносабат билдиришига қаратилиб турибди.
.jpg)
