Сўнгги янгиликлар
Президент Шавкат Мирзиёев: “Бу боғда ерга меҳр, сидқидилдан қилинган меҳнат кўриниб турибди. Натижаси, аввало, даромад, халқимизга манфаат”
Бўстонлиқда туризм салоҳиятини оширадиган янги “Чимён” умуммавсумий курорти қурилмоқда
Саккиз ойда 3 мингга яқин бола турли жиноятлардан жабрланди
Украинада ҳарбий поездда ўқ-дорилар портлади
Ўзбекистонда янги ҳафта салқин ва ёмғирли об-ҳаво билан бошланади
Наманганда 7,2 млрд сўмлик яширин дори омборлари аниқланди
Ливерпул рингларида дастлабки ғалаба: Эркинбоевдан олтин, олдиндa 7 финал
Хитой компаниялари Ўзбекистондаги сармоя бозорида етакчилик қилмоқда
АҚШ ва Украина ер ости бойликлари бўйича келишувга эришди
АҚШ ва Украина фойдали қазилмалар бўйича келишувга эришганини тасдиқловчи меморандумни имзолади. Бу ҳақда Украина бош вазирининг биринчи ўринбосари, иқтисодиёт вазири Юлия Сириденко маълум қилган.
«Бугун биз АҚШ билан иқтисодий шериклик тўғрисида қўшма битим томон қадам қўйдик. Украина ва АҚШ жамоаларимизнинг конструктив ишини ва ҳар икки халқимиз учун манфаатли бўлган келишувни якунлаш ва тузиш ниятини тасдиқловчи меморандумни имзолади», деб ёзди у ижтимоий тармоқларда.
Вазирнинг қўшимча қилишича, келишув матни устида ишлашни якунлаш, уни имзолаш, сўнгра ҳужжатни парламентларда ратификация қилиш қолган.
Аввалроқ АҚШ президенти Доналд Трамп Вашингтон ва Киев келгуси пайшанба, 24 апрель куни нодир металлар бўйича келишув имзолашини айтганди.
Март ойи бошида Қўшма Штатлар ва Украина Америка томонининг Украинада фойдали қазилмаларни қазиб олишда иштирок этиши тўғрисидаги битимни имзолай олмади. Оқ уйда бўлиб ўтган матбуот анжуманида Доналд Трамп ва Владимир Зеленский Украинадаги келишув мавзусида низога бордилар. Сўнгра, Трамп ижтимоий тармоқларда Зеленский ҳали можарони тинч йўл билан ҳал қилишга тайёр эмаслигини ёзган.
