Сўнгги янгиликлар
Президент Шавкат Мирзиёев: “Бу боғда ерга меҳр, сидқидилдан қилинган меҳнат кўриниб турибди. Натижаси, аввало, даромад, халқимизга манфаат”
Бўстонлиқда туризм салоҳиятини оширадиган янги “Чимён” умуммавсумий курорти қурилмоқда
Саккиз ойда 3 мингга яқин бола турли жиноятлардан жабрланди
Украинада ҳарбий поездда ўқ-дорилар портлади
Ўзбекистонда янги ҳафта салқин ва ёмғирли об-ҳаво билан бошланади
Наманганда 7,2 млрд сўмлик яширин дори омборлари аниқланди
Ливерпул рингларида дастлабки ғалаба: Эркинбоевдан олтин, олдиндa 7 финал
Хитой компаниялари Ўзбекистондаги сармоя бозорида етакчилик қилмоқда
Самарқандда UNESCO вакиллари иштирокида «Тинчлик дарахти» монументи очилди
«Тинчлик дарахти» монументи муаллифи атоқли ҳайкалтарош Хедва Сер бўлиб, унинг асарлари бутун дунёга машҳур.
Бугун Самарқанддаги «Ипак йўли» халқаро туризм ва маданий мерос университетида UNESCO Бош директори ўринбосари Стефаниа Гианнини, UNESCOнинг маданий дипломатия бўйича махсус элчиси Ҳедва Сер, Германия Федератив Республикаси Иқтисодий ҳамкорлик ва тараққиёт Федерал вазирлигининг парламенти котиби Ниелс Аннен ва Ўзбекистон Бош вазир ўринбосари – Туризм ва маданий мерос вазири Азиз Абдуҳакимов иштирокида «Тинчлик дарахти» монументининг очилиш маросими бўлиб ўтди.
«Тинчлик дарахти» монументи муаллифи атоқли ҳайкалтарош Хедва Сер бўлиб, унинг асарлари бутун дунёга машҳур.
Таъкидлаш керакки, рамзий маънога эга ушбу монумент илк бор 2008 йилда УНEСCО билан ҳамкорликда Исроилда ўрнатилган. Кейинчалик эса Германия, АҚШ, Озарбайжон, Қозоғистон, Андорра, Греция, Малта ва бошқа давлатларда ҳам ўрнатилди.
Бугунга қадар 17 та давлатда «Тинчлик дарахти» мавжуд эди. Самарқанддагиси эса 18-«Тинчлик дарахти» бўлди. Ушбу монумент бронзадан ясалган бўлиб, оғирлиги 750 килограммга тенг.
«Монументни ўрнатиш жараёнларида бир жиҳат эътиборимни тортди, — деди Хедва Сер хоним. — Одатда, бошқа жойларда «Тинчлик дарахти»ни яратиш учун уч ойгача вақт сарфлаганмиз. Самарқандда эса тўрт ҳафта етарли бўлди».
Маълумот учун, бу санъат асарининг дунёда кенг эътироф этилиши муаллиф ҳайкалларида учта етакчи дин – яҳудийлик, ислом ва насронийлик тимсолларини уйғунлаштиргани билан боғлиқ.
