Сўнгги янгиликлар
«CREDIT-HOUSE» найрангларини тўхтатинглар! – Президентга мурожаат
Чет элдаги пенционерга ишончнома билан пенсия тўланиши тартиби қандай? – Пенсия жамғармаси изоҳ берди
Ўзбекистонда ўрмон хўжалигини ривожлантириш бўйича Жаҳон банки билан меморандум имзоланди
АҚШда Киберқўмондонлик ва Миллий хавфсизлик агентлиги раҳбари лавозимдан олинди
Давлат тилида маълумот бермаган ресторанга чора кўрилди
Глобал ишлаб чиқарувчиларга АҚШда жорий этилган божлар Ўзбекистон учун фойдали бўлиши мумкин
Анталия: қадимий харобалар, сўнмас олов, Мовий байроқли пляжлар
Шавкат Мирзиёевнинг “Марказий Осиё – Европа Иттифоқи” биринчи саммитида нутқ сўзлади
«CREDIT-HOUSE» найрангларини тўхтатинглар! – Президентга мурожаат
Сўнгги пайтларда уй-жой билан боғлиқ муаммолар кенг жамоатчилик диққатини тортмоқда. Бу муаммоларни келтириб чиқарган корхоналардан яна бири "Credit House" ва "In Fin Stroy Invest" МЧЖдир. Корхона мансабдорларига нисбатан фирибгарликда айблов илгари сурилиб, жиноят иши очилган.
Фуқароларнинг надоматлари EFFECT.UZ таҳририятигача етиб келди. "Credit House" МЧЖ фаолиятидан норози бўлган фуқаролар бизга мурожаат йўллашган.
Уларнинг айтишича, компания билан Тошкент шаҳридан қулай шартлар эвазига уй харид қилиш мақсадида шартномалар тузилган бўлиб, бунда барча тўловлар ўз вақтида амалга оширилган. Бироқ белгиланган муддатда хонадонлар топширилмаган ва топширилганларини ҳам фойдаланишга киритиш муаммоси юзага келган. Хусусан, қурилиш компаниялари айрим фуқароларни яшаётган хонадонларидан чиқариб юборишган, бунинг сабаби "Credit House" пулларни уй қурган компания ҳисобига ўтказмаган.
Шу йилинг 17 март куни жабрланган фуқаролар ўртасида йиғилиш ўтказилди. Унда масъул идоралар ходимлари иштирок этиб, фуқароларнинг шикоятларини тинглаган. Фуқароларнинг фикрича, компаниянинг уй-жой сотиб олиш бўйича ваъдалари бажарилмаган.
Иш бўйича тергов бошланган: "Credit House" ва "In Fin Stroy Invest" МЧЖ мансабдор шахсларига нисбатан Жиноят кодексининг 168-моддаси 4-қисми "а" банди (фирибгарлик) билан жиноят иши қўзғатилган. Ушбу модда бўйича гумонланувчилар жиддий жазога тортилиши мумкин.
Компания вакиллари ўзларининг айбдор эмаслигини, муайян сабабларга кўра хонадонларни топширишда кечикканликларини таъкидлашмоқда. Яъни, қурилиш ишларининг тўхтаб қолгани, молиявий қийинчиликлар ва келишилмаган келишувлар сабабли шундай ҳолат юзага келганини билдиришмоқда. Энди савол туғилади, шартнома бандларини тузиш корхона қўлида бўлса, келишилмаган ҳолат қаердан келиб чиққан бўлиши мумкин.
Ушбу воқеалар қурилиш соҳасидаги назоратнинг кучайтирилиши зарурлигини яна бир бор кўрсатмоқда. Зеро, бу Ўзбекистондаги биринчи ёки катта эҳтимол охирги ҳолат ҳам эмас. Бу барчага сабоқ бўлиши керак. Жамоатчилик ва ҳуқуқни ҳимоя қилувчи идоралар ҳолатни назоратда ушлаб, жабрланганларнинг манфаатларини ҳимоя қилишда давом этиши лозим. Effect.uz масала юзасидан ўрганиш ишларини давом эттиради, воқеалар ривожини биз билан кузатинг.
Қуйида айрим мурожаатчилар томонидан президент Шавкат Мирзиёевга йўлланган мурожаатни келтирамиз.
Ҳурматли Президентимиз!
Биз сизга адолат сўраб мурожаат қилмоқдамиз. Бугун юзлаб, балки минглаб инсонлар «CREDIT-HOUSE» ва «NEW GENESIS» МЧЖ фирибгарларининг тузоғига тушиб, умр бўйи тер тўкиб йиғган пулидан ажралмоқда.
Кимдир бошпанасиз қолди, кимдир умид билан тўлаган пули эвазига ҳеч нарса олмади. Ота-оналар фарзандлари билан кўчада қолмоқда, қариндошларидан уй-жой сўраб сарсон бўляпти. Ёшларга «келажагингиз порлоқ» дейилган, аммо улар ҳали умр йўлларининг бошидаёқ фириб қурбонига айланди.
Қани адолат?!
Бу инсонларнинг дардини ким эшитади? Ким уларнинг ҳақ-ҳуқуқини ҳимоя қилади?
Сиздан ёрдам сўраймиз! Жабрланганларга ўз уйини ёки пулини қайтариб олишда кўмак беринг!
