EFFECT.UZ – ҲАҚИҚАТ УЧУН!
Сўнгги янгиликлар
Тошкентда айиқ қафасига ташлаб юборилган қизчанинг аҳволи тўғрисида маълумот берилди

Тошкентда айиқ қафасига ташлаб юборилган қизчанинг аҳволи тўғрисида маълумот берилди

28 январ куни Тошкент ҳайвонот боғида аёл ёш қизалоқни айиқ қафасига ташлаб юборгани тўғрисида хабар берилганди. ССВ йиртқич қафасига ташлаб юборилган қизчанинг аҳволи тўғрисида маълумот берди.

Айиқ қизчага зарар етказмаган. Ҳайвонот боғи ходимлари айиқни ички хонага олиб киришга муваффақ бўлган.

Маълум қилинишича, 2018-йилда туғилган қизчага дастлаб ҳайвонот боғи ҳамшираси биринчи ёрдам кўрсатган. Шундан сўнг у тез ёрдам машинасида соат 13:30ларда Республика шошилинч тиббий ёрдам илмий марказига олиб келинган. Қизча шифохонада барча зарур тиббий кўриклардан зудлик билан ўтказилган.

“У енгил шок ҳолатида бўлган, баландликдан йиқилиш оқибатида очиқ бош мия жароҳати ва бош мия чайқалиши кузатилган. Ҳозирда унинг аҳволи яхши, тиббиёт ходимлари назоратида”, — дейилади хабарда.

Бош прокуратура матбуот хизматининг аниқлик киритишича, айиқлар волерига ташлаб юборилган қиз 3 ёшда бўлиб, бу ишни содир этган унинг онасидир.

Ҳолат юзасидан Жиноят кодексининг 25, 97-моддаси 2-қисми «В» банди (Қасддан одам ўлдиришга суиқасд қилиш) билан жиноят иши қўзғатилган.

Гумонланувчи процессуал тартибда ушланган.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING