Сўнгги янгиликлар
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Медиа маҳсулотларини “маънавий экспертиза”дан ўтказишни жорий этиш тўғрисидаги қарор бекор қилинди
Навоийга Монголиядан 1000 бошга яқин Баят зотига мансуб қўйлар олиб келинди
Имзоланган битимлар доирасида жорий йил 22 декабр куни Навоий халқаро аэропортига биринчи босқичида "Баят" зотли қўйларнинг 1000 бошга яқини олиб келинди. Ушбу зотли қўйлар гўшт-жун йўналишида бўлиб, уларнинг тирик вазни 70-80 кг, қўчқорлари 100-120 кг гача етади, гўшт чиқими эса тирик вазнига нисбатан 60 фоизни ташкил этади.
Ўзбекистон Республикаси президенти раҳбарлигида 2024 йил 1 ноябрь куни “Навоий вилоятини ижтимоий-иқтисодий ривожлантириш бўйича қўшимча имкониятларни ишга солиш ҳамда амалга оширилиши лозим бўлган асосий вазифалар”га бағишлаб ўтказилган йиғилишда Ветеринария ва чорвачиликни ривожлантириш қўмитасига 2024-2026 йилларда Монголия давлатидан 20 минг бош гўшт ва жун йўналишидаги қўй-эчкиларни олиб келиш, шу жумладан уларнинг 10 минг бошини 2024 йил якунига қадар олиб келиш вазифаси белгилаб берилган эди.
Ушбу топшириқлар ижроси доирасида Конимех тумани ҳокими раҳбарлигида чорвачилик йўналишида фаолият юритувчи бир гуруҳ тадбиркорлар Монголия давлатига хизмат сафарига юборилиб, гўшт ва жун йўналишидаги қўй-эчкиларни олиб келиш бўйича битимлар имзоланиши таъминланди.
Имзоланган битимлар доирасида жорий йил 22 декабр куни Навоий халқаро аэропортига биринчи босқичида "Баят" зотли қўйларнинг 1000 бошга яқини олиб келинди. Ушбу зотли қўйлар гўшт-жун йўналишида бўлиб, уларнинг тирик вазни 70-80 кг, қўчқорлари 100-120 кг гача етади, гўшт чиқими эса тирик вазнига нисбатан 60 фоизни ташкил этади.
Жониворлар вилоятимиз яйловларига ва иқлим шароитига тез мосланувчан бўлиб, фойдаланилмай турган яйловлардан самарали фойдаланиш орқали чорва сонларини ҳамда чорвачилик маҳсулотларини етиштириш ҳажмларини оширишда муҳим аҳамият касб этиши билан бир қаторда янги иш ўринлари яратилишига хизмат қилади.
Олиб келинган чорва молларининг парваришини Конимех туманида тўғри ташкил этиш мақсадида кучли ва дағал озуқалар захираси яратилиб, ветеринария-санитария тадбирлари амалга оширилган, тажрибали мутахассислар, чорвачилик соҳаси олимлари бириктирилган.
Чорва молларини олиб келиш ишлари давом этмоқда ва келгусида олиб келинадиган жониворлар сонини 50 мингга етказиш режалаштирилган.
