Сўнгги янгиликлар
Туркиядаги 4 та қишлоқ “2025 йилнинг энг яхши туризм қишлоғи” мақомига сазовор бўлди
Истанбул – қадим тарих ва маданият ўчоғи
Ўзбекистонда мажбурий авто суғурта тизимидаги янгиликлар: 2026 йилдан нималар ўзгаради ва ҳайдовчилар учун эслатмалар
Ёмғир керак: Табиат ва инсон ўртасидаги мувозанат издан чиқмоқда
Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради
Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади
Ўзбекистон павильони Осака EXPO–2025 кўргазмасида олтин медалга сазовор бўлди
Ўртаҳисар “Дунёнинг энг гўзал 50 қишлоғи” рўйхатига киритилди
Наманганда 7,2 млрд сўмлик яширин дори омборлари аниқланди
Наманган вилоятида олиб борилган тезкор тадбир давомида контрафакт ва ҳужжатсиз дори воситалари сақланган омборхоналар фош этилди. Улардан умумий қиймати 7,2 миллиард сўмга тенг 100 мингдан ортиқ қути дори топилди ва ҳозирда мазкур ҳолат юзасидан қонуний чоралар кўрилмоқда.
Давлат хавфсизлик хизмати ходимлари Наманган вилояти божхона бошқармаси ва Иқтисодий жиноятларга қарши курашиш департаменти билан ҳамкорликда ўтказган тезкор тадбирда ноқонуний дори савдоси фош этилди.
Маълум бўлишича, Уйчи туманида яшовчи 1985, 1992 ва 1993 йилларда туғилган 3 нафар фуқаро ўзаро тил бириктириб, контрафакт ва сифат сертификатисиз дори воситаларини ноқонуний сотиш билан шуғулланиб келган.
Тезкор тадбир давомида уларга тегишли Наманган шаҳри ва Уйчи туманидаги 5 та яширин омбор кўздан кечирилди.
Натижада, Хитой, Россия, Хиндистон, Франция, Италия, Туркия, Вьетнам, Исроил, Польша, Украина, Германия ва бошқа мамлакатларда ишлаб чиқарилган, ҳужжатсиз ва контрафакт ҳисобланган дори воситалари аниқланди. Уларнинг умумий ҳажми 102 640 қути (1267 турда) бўлиб, тахминий қиймати 7,2 млрд сўмни ташкил этган. Шунингдек, кучли таъсир этувчи моддалар қаторига кирувчи “Тестостерон” ва “Ретоболил” препаратлари ҳам омбордан топилган.
Аниқланишича, мазкур дорилар Қирғиз Республикасидан айланма йўллар орқали мамлакатга ноқонуний олиб кирилган.
Ҳолат юзасидан Ўзбекистон Республикаси Жиноят кодексининг 186-3 ва 251-1-моддалари асосида жиноят иши қўзғатилиши режалаштирилган. Ҳозирда терговга қадар суриштирув ишлари олиб борилмоқда.
.jpg)
