Римнинг “Рома” клуби ҳужумчиси Элдор Шомуродовнинг тақдири ваниҳоят ҳал бўлди. Ўзбекистонлик футболчи фаолиятини А Сериянинг “Болонья”да давом эттирадиган бўлди.

Маълум бўлишича, болоньяликлар Элдорни бир йилга ижарага олишади. Шунингдек, ушбу жамоа келаси йилнинг ёзида Шомуродовнинг трансферини сотиб олиш мажбуриятини маълум шарт асосида ўз зиммасига олади.

Бу шарт форварднинг ўйинлари ва голлари сонига боғлиқ бўлади. Трансфер суммаси эса 9 миллион еврога баҳоланмоқда. “Рома” трансфер суммаси 11 миллион бўлишини истаганди, аммо жамоа нархни туширишга мажбур бўлди