EFFECT.UZ – ҲАҚИҚАТ УЧУН!
Сўнгги янгиликлар
«Имтиҳон назоратчилари ва профессор-ўқитувчиларнинг ҳалоллиги қўшимча рағбатлантирилади» — Тошқулов

«Имтиҳон назоратчилари ва профессор-ўқитувчиларнинг ҳалоллиги қўшимча рағбатлантирилади» — Тошқулов

Бугун Олий ва ўрта махсус таълим вазири Абдуқодир Тошқулов Коррупцияга қарши курашиш агентлиги директори Акмал Бурхонов билан бирга жойларда бўлиб ўтаётган ижодий, касбий имтиҳонларни кузатди.

Дастлаб, Тошкент давлат педагогика университетида бўлиб, университетда ташкил этилган касбий, ижодий имтиҳонлар ҳамда абитурентлар учун яратилган шарт-шароитлар билан бевосита танишдилар.

Шунингдек, Тошқулов ва Бурхонов Ўзбекистон давлат консерваторияси ҳузуридаги Ботир Зокиров номидаги Миллий эстрада санъати институтида ҳам бўлишиб, мусиқа санъатига қизиққан ёшларнинг салоҳияти, имконияти ва бу таълим даргоҳида яратилган шароитлар билан яқиндан танишишди.

Вазир зарбли чолғу йўналиши бўйича ижодий имтиҳон топшираётган бир қатор ёшларнинг мактабда эгаллаган билимига гувоҳ бўлди.

Абдуқодир Тошқулов имтиҳонларни кузатаётган масъулларга қарата олий таълимда коррупцияга қарши курашиш бўйича салмоқли ишлар қилингани, ўқишга кириш шаффоф бўлиб бораётгани, фақатгина ижодий ва касбий имтиҳонларда ўта хушёрлик ва касбига садоқат билан ёндашган ҳолда тизимга доғ туширмай ушбу имтиҳонларни назорат қилишларини сўради.

Ўз сўзида давом этар экан А.Тошқулов вазирлик ва олий таълим муассасаларидан имтиҳонларни кузатиб боришга жалб қилинган масъулларга ҳалоллиги ва адолатли қарори учун катта миқдордаги қўшимча рағбат пуллари берилишини алоҳида қайд этди.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING