Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Ўзбекистон-Польша ишбилармон аёллари бизнес-форуми ўз ишини бошлади
20 сентябрь куни Жаҳон иқтисодиёти ва дипломатия университетида (ЖИДУ) Ўзбекистон-Польша ишбилармон аёллари бизнес-форуми ўз ишини бошлади. Бу ҳақда “Дунё” АА хабар бермоқда.
Маълум қилинишича, онлайн ва офлайн форматда ўтказилаётган форумда Олий Мажлис Қонунчилик палатаси депутатлари, Ўзбекистон ҳукумати, вазирлик, идора ва ташкилотлар масъул ходимлари, халқаро ташкилотлар, Оила ва хотин-қизлар қўмитаси ходимлари, олимлар, шунингдек, Қорақалпоғистон Республикаси Вазирлар Кенгаши Раисининг ўринбосарлари, вилоятлар ҳамда Тошкент шаҳар ҳокимлари ва бошқалар иштирок этмоқда.
Польша делегациясига Польша Маданият ва миллий мерос вазирлиги давлат котиби Божена Желазовска, Польша Аёллар лигаси ассоциацияси раиси Алдона Михаляк ва Польша Аёллар лигаси ассоциацияси раисининг ўринбосари Сильвия Ружитска бошчилик қилмоқда.
Форум Ўзбекистон Оила ва хотин-қизлар қўмитаси раиси Озода Парпибоева кириш сўзи билан очилган.
Эслатиб ўтамиз, тадбир Ўзбекистон ва Польша ўртасида давом этаётган ҳамкорлик ҳафталиги доирасида бўлиб ўтмоқда.
Бундан ташқари, ҳафталик доирасида Хоразм вилоятида Ўзбекистон-Польша қўшма бизнес-форуми, Тошкент ва Урганчда машҳур полшалик хонанда Анна Германнинг Ўзбекистонда яратилган қўшиқларидан иборат “Муҳаббат садоси” концерт дастури, Ўзбекистон ва Польша тарихчилар комиссиясининг йиғилиши, шунингдек, қатор учрашув ва музокаралар ўтказилади.
