Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Икки ойда 20 млрд сўмлик давлат харидларида қонунбузарликлар аниқланди
Рақобат қўмитаси томонидан жорий йилнинг июль-август ойларида жами 20 миллиард сўмга яқин давлат харидларида қонунбузилиш ҳолатлари аниқланди.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси июл-август ойларида қарийб 20 миллиард сўмлик давлат харидлари қонунчиликка зид тарзда ўтказилишининг олдини олди.
Қўмитанинг таъкидлашича, савдолар давомида рақобатни чеклайдиган, шунингдек, «Давлат харидлари тўғрисида»ги қонун талабларига зид бўлган хатти-ҳаракатлар амалга оширилган.
Текширувлар натижаларига кўра, харидорларга нисбатан маъмурий иш қўзғатилиб, ноқонуний амалга оширилган харидлар бекор қилинди.
Жумладан,
Андижон вилояти мисолида
Балиқчи туман Тиббиёт бирлашмасининг 100 млн сўмлик;
Марҳамат туман Ободонлаштириш бошқармасининг 200 млн сўмлик;
Андижон давлат университети қошидаги 2-сон академик лицейининг 180 млн сўмлик;
Хонобод шаҳар Тиббиёт бирлашмасининг 645 млн сўмлик;
Бухоро вилояти мисолида
Жондор туман Тиббиёт бирлашмасининг 210 млн сўмлик;
Ўзбекистон Республикаси мактабгача ва мактаб таълими вазирлиги ҳузуридаги ихтисослаштирилган таълим муассасалари агентлиги тизимидаги Пешку туман ихтисослаштирилган мактабининг 270 млн сўмлик;
Когон шаҳар Тиббиёт бирлашмасининг 650 млн сўмлик;
Жиззах вилояти мисолида
Жиззах политехника институти қошидаги академик лицейининг 1 млрд сўмга яқин;
Қашқадарё вилояти мисолида
Яккабоғ туман Ободонлаштириш бошқармасининг 150 млн сўмлик;
Чироқчи туман Тиббиёт бирлашмасининг 1,7 млрд сўмлик;
Хоразм вилояти мисолида
Боғот тумани Олимпия ва миллий спорт турлари бўйича ихтисослаштирилган мактаб-интернатининг 1,1 млрд сўмлик;
Урганч шаҳар мактабгача ва мактаб таълими бўлимининг 1 млрд 22 млн сўмлик;
Наманган вилояти мисолида
Косонсой туман 3-сон Касб-ҳунар мактабининг 250 млн сўмлик;
Қорақалпоғистон Республикаси мисолида
Нукус шаҳар Тиббиёт бирлашмасининг 748,2 млн сўмлик;
Сирдарё вилояти мисолида
Ховос туман Тиббиёт бирлашмасининг 89,9 млн сўмлик;
Навоий вилояти мисолида
Кармана туман “Алоҳида таълим эҳтиёжлари бўлган ихтисослаштирилган 25-сонли мактаб интернати” ДМнинг 440 млн сўмлик;
Самарқанд вилояти мисолида
Булунғур туман Тиббиёт бирлашмасининг 973,6 млн сўмлик;
Тошкент вилояти мисолида
Чирчиқ шаҳар Маданият бўлимининг 344,7 млн сўмлик;
Тошкент шаҳри мисолида
“Болалар гематологияси, онкологияси ва клиник иммунологияси” марказининг 907,1 млн сўмлик;
“Ўзбектелеком” АЖнинг 494,9 млн сўмлик;
Вирусология илмий тадқиқот институтининг 450 млн сўмлик;
Фарғона вилояти мисолида
Фарғона шаҳар Ободонлаштириш бошқармасининг 100 млн сўмлик;
Бағдод туман Ободонлаштириш бошқармасининг 492 млн сўмлик;
Қўқон шаҳар Ободонлаштириш бошқармасининг 6,3 млрд сўмлик;
Бувайда туман Йўллардан фойдаланиш давлат муассасасининг 165,5 млн сўмлик давлат харидларида Ўзбекистон Республикасининг “Рақобат тўғрисида”ги қонунининг 29-моддаси талабларига риоя қилинмаганлиги, яъни савдоларда рақобатни чеклайдиган ёки чеклашга олиб келиши мумкин бўлган ҳаракатлар аниқланган. Шунингдек, таҳлил қилинган давлат харидларида Ўзбекистон Республикаси “Давлат харидлари тўғрисида”ги қонуннинг тегишли модда талаблари бузилганлиги аниқланди.
Ўрганиш натижаларига кўра, буюртмачиларга нисбатан Қўмита томонидан белгиланган тартибда иш қўзғатилди, Қўмита кўрсатмаси билан танлов савдолари бекор қилинди. Шунингдек, қонунбузилиш ҳолатларини бартараф этиш, келгусида бундай ҳолатларга йўл қўймаслик юзасидан кўрсатмалар берилди ва масъулларга тегишли чоралар кўрилди.
