Сўнгги янгиликлар
Навоийда 300 МВт қувватли электр энергиясини сақлаш тизими қурилади
Касбий таълим ташкилотларини комплекс давлат аккредитациясидан ўтказиш мезонлари тасдиқланди
Саида Мирзиёева Ургутга янги темирйўл орқали сафар қилди
Москва вилояти мактабларидан бирида 10 ёшли бола пичоқли ҳужум оқибатида ҳалок бўлди
“An Istanbul Story” — Истанбулнинг янги руҳи замонавий ҳикоя орқали намоён бўлди
Конституциявий шикоят институти самарадорлиги оширилади
Тадбиркорлик соҳасида 1 600 дан ортиқ маъмурий талаблар бекор қилинди
Ўзбекистонда “Электрон рецепт” тизими босқичма-босқич жорий этилмоқда – ССВ
Давлат раҳбари постига реакция қолдирган блогер 12 йилга қамалди
Эрон суди республика олий етакчиси Али Хоманоийнинг твитига жавобан битта нуқта қолдиргани учун июнь ойида ҳибсга олинган блогер Ҳусайн Шанбеҳзодани 12 йиллик қамоқ жазосига ҳукм қилди.
Шанбеҳзода бу нуқтани май ойида беғараз кўринишда жойлаштирган, бироқ бир неча ҳафта ўтгач, унинг реакцияси Хоманоийнинг твитидан кўра кўпроқ “лайк” йиғиб, кенг омма эътиборини тортганидан сўнг ҳибсга олинган. Июль ойида уни вақтинча ҳибсга олиш тартиби яна бир ойга узайтирилганди.
31 август куни унинг адвокати Ислом республикаси маҳкамаси фаолларни узоқ муддатга қамаб қўйиш ва бошқаларни қўрқитиш учун қўядиган сохта айбловлар учун жами 12 йиллик қамоқ жазосига ҳукм қилинганини эълон қилди.
Ўзининг очиқ танқидлари ва ижтимоий тармоқлардаги иштироки билан танилган Шанбеҳзода “Исроилни қўллаб-қувватлаш, ташвиқот фаолияти” учун 5 йилга, “исломий муқаддас одатларни ҳақорат қилгани” учун 4 йилга, ижтимоий тармоқларда “ёлғон хабар тарқатгани” учун 2 йил, “давлатга қарши ташвиқот фаолияти” учун 1 йиллик қамоқ жазосига ҳукм қилинди, - деди унинг адвокати Амир Раисян Shargh газетасига.
Адвокатнинг сўзларига кўра, суд маҳкамаси судланувчининг Исроилга пропаганда фаолиятини исботловчи ҳеч қандай далил келтирмаган. Мазкур айблов унинг “шахсий суҳбатлари” асосида қўйилган.
Раисян ўзининг бошқа айбловлари бўйича суд унинг бошқа сиёсий маҳбусларни қўллаб-қувватлагани, мамлакатдаги вазиятни салбий кўрсатгани, “Қатл йўқ” хештегидан фойдалангани, мажбурий ҳижобнинг олиб ташланишини қўллаб-қувватлагани, Эрон сайловларига қарши оммавий ахборот воситаларида салбий муҳит яратгани ва баёнот бергани шунингдек, собиқ президент Иброҳим Раисийнинг вафоти муносабати билан хурсандчилик билдириш билан изоҳлаганини айтди.
Маълумот учун, Шанбеҳзода аввалроқ 2019 йилги норозилик намойишлари ортидан “Исломий республика раҳбарини ва муқаддас жойларни ҳақорат қилиш”да айбланиб қамалган.
.jpg)
