Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Ўзбекистон фермерлари учун қўшимча имконият яратилди. Пахтанинг бошланғич нархи 7800 сўмдан бошланиши кутилмоқда
Фермерлар томонидан ортиқча етиштирилган пахта хом ашёсига фьючерс шартномаси тузилган кластерга тўғридан-тўғри сотиш учун қўшимча келишувларни электрон тарзда расмийлаштириш имконияти яратилди. Бу ҳақда Қишлоқ хўжалиги вазирлиги матбуот хизмати хабар бермоқда.
Қайд этилишича, Президентнинг «Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида» 2023 йил 12 февралдаги ПФ-205-сон Фармонига асосан пахта хом ашёсини етказиб бериш бўйича фермер ва кластерлар ўртасида имзоланган фьючерс шартномаларида етказиб берилиши лозим бўлган ҳажмдан ортиқча етиштирилган, шунингдек кластер билан фьючерс шартномасини тузмаган ҳолда ўз маблағлари, шу жумладан жалб қилинган маблағлари ва тижорат кредитлари ҳисобига етиштирилган пахта хом ашёси етиштирувчилар томонидан биржа орқали тадбиркорлик субъектларига сотиш ёки (ва) қайта ишланиши белгиланган.
Бунда:
– фьючерс шартномаси бўйича ортиқча етиштирилган пахта хом ашёси фьючерс шартномаси тузилган кластерга тўғридан тўғри сотилиши мумкин;
– пахта хом ашёсини қайта ишлашдан олинган пахта толаси ва иккиламчи маҳсулотлар (чигит, линт ва ўлик пахта) тўлиқ ҳажмда биржа орқали сотилиши белгиланган.
- Фермерлар ортиқча етиштирган пахта хом ашёсини фьючерс шартномаси тузган кластерга тўғридан-тўғри сотиш учун қўшимча келишувларни электрон тарзда расмийлаштириш имконияти яратилди.
- Бунда, фермер ва кластер ўртасида норматив ҳосилдорликдан келиб чиққан ҳолда тузилган фьючерс шартномасида кўрсатилган ҳажмдан ташқари кутилаётган ҳосилдорликни тўғридан тўғри сотилиши кўзда тутилган.
Бунда қуйидаги босқичлар амалга оширилади:
1. Хўжалик раҳбари (фермер) электрон рақамли имзосидан фойдаланган ҳолда «CropAgro» ахборот тизимига (https://cabinet-crop.agro.uz) манзили бўйича киради;
2. Шартномалар бўлимига киради.
3. Фьючерс шартномалари қисмида пахта-тўқимачилик кластерлари билан аввал тузилган фьючерс шартномалари билан танишади.
4. Кластерни танлайди, агар бир нечта фьючерс шартномалари тузилган бўлса фермер ўзи учун мос келган кластерни танлайди ва шартнома тузишни босади.
5. Пайдо бўлган дарчада етиштирилиши кутилаётган миқдор белгилаб қўйилган максимал миқдор доирасида киритилади ва сақлаш тугмаси босилади.
6. Қўшимча келишув матни автоматик тарзда шакллантирилади, у билан танишиб чиқиш, имзолаш ва кластерга имзолаш учун юборилади.
7. Пахта-тўқимачилик кластерлари «CropAgro» ахборот тизимига (https://cabinet-crop.agro.uz) манзили бўйича киради ва таклиф этилган қўшимча келишувни имзолайди ёки уни рад этади.
8. Имзоланган қўшимча келишув юклаб олиш мумкин, шунингдек мазкур келишув фойдаланувчининг кабинетида доимий сақланади.
Шунингдек, етиштирилган пахта хом ашёсини Spot шартномаси – биржа товарларининг уларни кечиктирмасдан (1 ой ичида) етказиб бериш шарти билан тузиладиган олди-сотди шартномаси асосида ҳам сотиш мумкинлиги эслатиб ўтилади.
Маълумот учун, Ўзбекистон республика товар-хом ашё биржасининг «пахта хом ашёси секцияси»да пахта хом ашёсининг нархи (1-нав, 2-синф) Нью-Йорк биржасида пахта толасининг фьючерс котировкаларининг охирги 12 ойдаги ўртача котировкасидан келиб чиққан ҳолда, 2024 йилда харид қилинадиган пахта хом ашёсининг 1 кг учун бошланғич нарх 7800 сўм этиб белгилаган.
