title

Notcoin токени ишга туширилгунга қадар Notcoin pre-market’да токенларни пуллаш ва сотиб олиш имконияти пайдо бўлди. Бу ҳақда Notcoin ҳамжамияти эълон қилди.

«Нуткоинчилар» эндиликда сиз Notcoin-bot’даги ўйин ҳисобингиздан 10 ва 100 миллионгача бўлган «тангачалар»ни Notcoin ваучерларига (NFT) айлантиришингиз ва уларни GetGems тармоғида сотишингиз мумкин.

Токенлар ишга туширилгандан кейин ваучерларни $NOT’га алмаштириш ёки токен ишга тушишини кутишингиз ва балансингизни тўғридан-тўғри $NOT’га айлантиришингиз мумкин.

Pre-market роялти орқали $NOT рўйхатларини қўллаб-қувватлагани учун NFT савдоларининг 20 фоизини комиссия кўринишида ушлаб олади.

«$NOT токенининг нархи қандай бўлишини ҳеч ким билмайди. Листинг нархи ҳатто нолга тенг бўлиши мумкин, шунинг учун ваучерларни сотишда буни ҳисобга олинг», - дейилади хабарда.

Қандай қилиб not-тангачаларни NFT-ваучерга айлантириш мумкин?

Telegram иловасидан Notcoin ботини очинг, асосий экрандан Trade тугмасини босинг
Чиқармоқчи бўлган ваучерлар номиналини ва сонини танланг.
TON ҳамёнингизни уланг ва NFT ваучерини чиқариш учун блокчейн тўловини (~$0,1) тўланг.
Бир неча дақиқа ичида ваучер TON ҳамёнингизга тушади

Диққат! Айни вақтда Notcoin-бот’да /trade тугмаси мавжуд эмас, унинг қачон қўшилиши эса очиқланмаган. Бироқ Notcoin pre-market’да савдолар қизғин кетмоқда.

8 март ҳолатига кўра:

10 млн $NOT ўртача нархи – 150-200 TON (435-581 доллар)

100 млн $NOT ўртача нархи – 1000-5000 TON (2900-14531 доллар)

Notcoin Voucher - бу токенлар блокчейнда чиқарилишидан ва қийматга эга бўлишидан олдин (қийматга эга бўлмаслик эҳтимоли ҳам бор) виртуал ўйин балансингиз билан Notcoin савдосини бошлашнинг бир усули.