Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
«Ҳатто Брежневга ҳам ёзганман бу муаммони!» — Андижонда ярим асрлик муаммо ҳал этилди
Ҳусанбой ота ушлаган жойини қўйвормайдиган одам. Бир ишни бошладими, то якунига етказмагунча тинчимайди. У ўз манфаати учун эмас, халқни, қишлоқ одамларининг узоғини яқин қилиш учун елиб-югуради. Бўлмаса, 1968 йилдан буён битмаган иш учун ярим асрдан буён идорама-идора юрмас эди.
Гап шундаки, Андижон вилояти Избоскан туманидаги «Катта қишлоқ» маҳалласи ўртасидан оқиб ўтувчи «Тентаксой» дарёсига солинган эски кўприкни бундан ярим аср муқаддам сел ювиб кетган.
Раҳбарларнинг эътиборсизлиги туфайли уни таъмирлаш шунча йилдан буён пайсалга солиб келинганлиги боис, одамлар дарёнинг у томонига ўтиш учун 14 километр йўл босишга мажбур бўлган.
Ҳусанбой ота кексаю ёшнинг, айниқса аёлларнинг йўл азобини тортаётганини кўриб, ачинади. Қанчадан-қанча идоралар эшигида сарғаяди. Аммо бу кўприкни таъмирлаш учун маблағ берилмайди. Раҳбарлар эса “Кейинги йил дастурига киритамиз” деган ваъдани беришдан чарчашмайди.
«Ҳатто собиқ иттифоқ даврида Леонид Брежневга ҳам шу кўприкни таъмирлаш юзасидан ариза ёзганман. Мустақиллик йилларида ҳам деярли мурожаат қилмаган раҳбар қолмаган. Ариза бўйича келиб кўришади, узунлиги 73 метр, эни 10 метрлик кўприкни қуриш учун катта маблағ талаб этилиши боис, ишни орқага суришади.
Ниҳоят Президентимиз Шавкат Мирзиёевнинг Халқ қабулхонасига қилган мурожаатим туфайли муаммо ҳал бўлди. 6 миллиард 734 миллион сўм маблағ ажратилди, қурилиш бошланди ва тез орада кўприк фойдаланишга топширилди», - дейди Ҳусанбой ота Орифжонов.
Қайд этиш керак, янги кўприк Избоскан ва Пахтаобод тумани аҳолиси учун қулайлик яратибгина қолмасдан, транспорт воситалари ҳаракати учун ҳам асосий восита вазифасини ўтамоқда.Натижада 500 минг нафардан зиёд аҳолига қулайлик яратилиб, узоғи яқин қилинди. Ҳусанбой отанинг ярим асрлик мурожаати ҳал этилди.
Ўзбекистонда фуқароларнинг ҳуқуқ ва эркинликлари, қонуний манфаатларини ҳимоя қилишда Халқ қабулхоналари ва виртуал қабулхоналарнинг аҳамияти беқиёс.
Мазкур тизим бевосита давлат раҳбарига мурожаат қилиш, халқ билан доимий мулоқот олиб бориш, одамларни қийнаб келаётган муаммоларни ўз вақтида самарали ҳал этишнинг таъсирчан механизмига айланди.
Президент Халқ қабулхоналари томонидан ҳам аҳолини қийнаётган муаммоларни ўрганиш, ижобий ҳал этиш, уларнинг ариза, шикоят ва мурожаатларида кўтарилган масалаларга ечим топиш борасида эътиборга молик ишлар олиб борилмоқда.
Мисол учун Президент Халқ қабулхонасига Чўртонлиқ маҳалласидан Турсунбой Қўчқоров мактуб йўллаб, ўн йилдан буён қишлоқда янги мактаб қуришни сўраб мурожаат қилаётганини, лекин бирор натижа бўлмаётганини айтган. Мурожаат ўрганиб чиқилгач, кўп ўтмай дастурга киритилди. Тезкор амалга оширилган саъй-ҳаракатлар туфайли қишлоқ болалари янги мактабда қатнай бошлади. 210 ўринли мактаб Чўртонлиқ маҳалла аҳлига муносиб туҳфа бўлди.
Бундан ташқари, Ойбек маҳаллада яшовчи Боқижон Маҳмудов ўз мурожаатида Избоскан туманида хусусий шифохона очиб, аҳолига тиббий хизмат кўрсатиб келаётганини маълум қилган.
Муаммо шундаки, аҳолига замонавий тиббий хизмат кўрсатиш мақсадида Хитойдан олиб келинаётган 2 миллиард 400 миллион сўмлик замонавий тиббий жиҳозлар 5 ойдан буён божхона терминали омборхонасида номаълум сабабларга кўра ушлаб турилган. Бу мурожаат ҳам Халқ қабулхонаси аралашуви билан ижобий ҳал этилди ва тиббий жиҳозлар шифохонага келтириб ўрнатилди.
Халқ қабулхоналари томонидан республика миқёсида янгича жараёнларни амалиётга татбиқ этилиши ўз самарасини бера бошлади.
Яъни, барча вилоятларда ташкилот, муассаса раҳбарлари билан келишилган ҳолда республиканинг энг чекка ва олис ҳудудларида оммавий сайёр қабуллар ўтказила бошланди. Натижада юзлаб мурожаатлар қабул қилиниб, кўплаб сўровлар юзасидан ижобий ечимга эришиляпти.
Минглаб ўзбекистонликлар ўзларининг узоқ йиллар давомида ечимини кутиб турган муаммолари ҳал бўлганидан хурсанд бўлганлиги янги тизимга берилган муносиб баҳодир.
Бир сўз билан айтганда, Халқ қабулхонаси институти халқ билан мулоқотнинг ўзига хос, ноёб тизими сифатида жамиятдаги муаммоларни бартараф этишга, одамларнинг ўз ҳаётидан рози бўлиб яшашини таъминлашга яқиндан ёрдам бермоқда.
