title

Сўнгги янгиликлар

13:30 / 2025-10-15 359

Ёмғир керак: Табиат ва инсон ўртасидаги мувозанат издан чиқмоқда

13:19 / 2025-10-15 365

Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради

13:03 / 2025-10-15 344

Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади

12:45 / 2025-10-13 414

Ўзбекистон павильони Осака EXPO–2025 кўргазмасида олтин медалга сазовор бўлди

09:32 / 2025-10-09 612

Ўртаҳисар “Дунёнинг энг гўзал 50 қишлоғи” рўйхатига киритилди

21:13 / 2025-10-08 623

Қора денгиз: яшил гўзаллик ва шифобахш булоқлар маскани

03:19 / 2025-10-05 885

Замонавий сулола: Хитойдаги «МИНГ» ҳукмронлиги тугатилди

03:44 / 2025-09-26 1055

Марғилонда аҳолига сотилган арзон уйлар: имтиёзми ёки тузоқ?

21:40 / 2023-11-24 868 0 Ҳодисалар

Мажлисбозлик қачон тугайди? Ҳокимлик биносида йиқилиб тушган маҳалла раиси воқеа жойида вафот этди

Тошкент шаҳрининг Олмазор тумани ҳокимлигида бўлиб ўтган йиғилишда маҳалла раиси йиқилиб тушиб вафот этди. Бу ҳақда «Дарё” интернет нашри хабар берган.

Унга кўра, ҳокимият масъулларининг 40 кундан бери давом этаётган мажлисбозлиги бир инсон ўлимига сабабчи бўлган.

Олмазор туманида 15 октябрдан бери ҳар куни йиғилиш ўтказиляпти. 40 кундан бери эрталаб 07:30 дан 08:30 га қадар, баъзан ундан ҳам кўпроқ давом этаётган йиғилиш ишчиларнинг ҳақ-ҳуқуқини поймол қилмоқда, — деган йиғишда қатнашиб, раис ўлимига гувоҳ бўлган манба.

Унинг айтишича, бугун 24 ноябрь куни давом этган навбатдаги мажлис пайтида, соат тахминан 10:00 ларда «Янги Себзор» маҳалла фуқаролар йиғини раиси йиқилиб тушиб, воқеа жойида вафот этган.

«Бу мажлисбозлик қачон тугайди? Ҳар кун бир соатлаб кўчада совуқда туряпмиз. Сурхондарёдаги мактаб директорига ўхшаб кетишни хоҳламайман. Лекин мажлисбозлик жондан ўтказиб юборяпти», — дейди бу ҳақида гапирган манба.

Вафот этган раис Шавкат Муродбеков исмли фуқаро бўлган. Олмазор тумани ҳокимлиги ахборот хизмати раҳбари Виталий Толибжонов ҳам воқеани тасдиқлади. Аммо қўшимча маълумот беролмаслигини, иш юзасидан прокуратурадан ахборот олиш мумкинлигини айтди.

Бош прокуратура ахборот хизмати раҳбари Ҳаёт Шамсутдиновнинг маълумот беришича, ҳолат юзасидан туман прокуратураси томонидан терговга қадар текширув ишлари бошланган.

“Жорий йилнинг 24 ноябрь куни соат тахминан 11:30 ларда Олмазор тумани ҳокимлиги мажлислар залида «Янги Себзор» МФЙ раиси 1958 йилда туғилган Муродбеков Шавкат Маҳмудович вафот этган. Мазкур ҳолат юзасидан Олмазор тумани прокуратураси томонидан терговга қадар текширув ҳаракатлари олиб борилмоқда”, — деган Ҳаёт Шамсутдинов.