Сўнгги янгиликлар
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Араб давлатлари Исроил билан тинчлик ўрнатиш шартини илгари сурдилар
Кеча, 11 ноябрь куни Саудия Арабистони Ғазо секторидаги кескин вазиятни муҳокама қилиш учун араб ва мусулмон етакчилари билан қўшма навбатдан ташқари саммитга мезбонлик қилди. Саммит якунида Фаластин-Исроил урушига барҳам бериши мумкин бўлган қарор имзоланди.
“Исроил билан тинчлик ўрнатиш ва у билан нормал муносабатлар ўрнатишнинг асосий шарти — Фаластин ва араб ерларини босиб олишни тўхтатиш, шунингдек, Фаластинни 1967 йил 4 июнь куни тан олинган чегараларини ва мустақиллигини тан олиш” — дейилади саммит якунлари бўйича ҳужжатда.
Саммит иштирокчилари Ғазо секторининг Ғарбий соҳилдан ажратилишига ҳам қарши чиқиб, бу ҳудудларни Шарқий Қуддус билан бирга мустақил Фаластин давлати таркибига киритиш зарурлигини таъкидладилар.
Қайд этиш керак, 2020 йилда бир қатор араб давлатлари, жумладан, БАА ва Баҳрайн АҚШ воситачилигида Исроил билан муносабатларни нормаллаштиришга келишиб олди ва у билан алоқаларни фаол ривожлантиришга киришди.
Сўнгги олти ой ичида Саудия Арабистони ва Исроил ўртасидаги муносабатларни нормаллаштириш бўйича музокаралар ҳақида бир неча бор маълумотлар пайдо бўлди, аммо араб оммавий ахборот воситаларига кўра, Ғазо секторидаги можаронинг кучайиши таъсирида бу мулоқот музлатиб қўйилган.
Эслатиб ўтамиз, 7 октябр куни Фаластиннинг ҲАМАС ҳаракати “Ал-Ақсо” тўфони” операцияси доирасида Ғазо секторидан Исроилга ракета учирди. Бунга жавобан Исроил мудофаа кучлари Ғазо секторида Хамасга қарши “Темир қиличлар” операциясини бошлади.
Бир неча кун ичида исроиллик ҳарбийлар Ғазо билан чегара яқинидаги барча аҳоли пунктларини назорат остига олди ва чизиқдаги нишонларга, жумладан, тинч аҳолига ҳаво ҳужумларини бошлади.
