Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
Брюс Ли ҳаётига назар!
Бугун Кунг-Фу қироли ҳамда Голливуд фильмларида бош ролни ўйнаган дастлабки осиёлик актёр, шунингдек, бир қанча спорт турлари устаси Брюс Лининг ҳаёт йўлига тўхталамиз!
Брюс Ли 27 ноябрь 1940 йил Сан-Франсискода туғилган, шундай бўлса-да у Гонконгда ўсган. Отаси опера қўшиқчиси ва ярим кунлик актёр бўлганлиги сабабли, у кўнгилочар соҳа билан эрта танишган.
Кичкина Ли болалигидан фильмларда суратга туша бошлаган ва кўпинча вояга этмаган жиноятчи ёки кўча безориси ролини ўйнаган. Ўсмирлик чоғида у маҳаллий тўдалар билан шуғулланиб, ўзини яхшироқ ҳимоя қилиш учун кунг-фуни ўргана бошлаган. Ўша пайтда у рақс дарсларини ҳам бошлаган, бу унинг оёқ ҳаракати ва мувозанатини янада яхшилаган; 1958 йилда Ли Гонконг “ча-ча” чемпионлигини қўлга киритган.
Брюснинг ота-онаси унинг кўчадаги муштлашуви ва полиция билан учрашишидан безор бўлиб, 18 ёшга тўлганидан сўнг уни Қўшма Штатларга яшашга юборишади. У Сиэтлда оиласи дўстлари билан яшаган, у эрда ўрта мактабни тугатган ва фалсафани ўрганган.
Сиэтлда у ўзининг биринчи жанг санъати мактабини очади ва 1964 йилда иккинчи мактабни очиш учун Калифорниянинг Окленд шаҳрига кўчиб ўтади. Тахминан ўша пайтда у ўзининг анъанавий жанг санъати ўрнига ўргатишни бошлаган қадимий кунг-фу, қиличбозлик, бокс ва фалсафани ўз ичига олган житкундо техникасини ишлаб чиқади. У Лос-Анжелесдаги каратэ турнирида кунг-фу бўйича намойиш ўтказганидан сўнг телепродюсернинг эътиборини тортди ва у “Яшил шох” (1966–67) телесериалида ёрдамчи Като ролини ўйнайди.
Брюс “Яшил шох” фильми бекор қилинганидан кейин актёрлик ишини давом эттиришга қийналди ва у Голливуд юлдузларига, жумладан Стив Маккуинга шахсий житкундо дарсларини ўргатиб, пул ишлай бошлади. Шундан сўнг 1969 йилда эса “Марлоу” фильмида Брюс кикбоксинг ва каратэ ҳаракати орқали бутун офисни вайрон қилади. Ўзига муносиб ролларни топа олмаганидан қийналиб, 1971 йилда у яна Гонконгга қайтади. У ерда Ли бутун Осиё бўйлаб рекорд ўрнатган иккита фильмда роль ўйнади ва кейинчалик “Катта хўжайин” фильми билан Қўшма Штатларда муваффақият қозонди.
Кейинчалик, Брюс Ли ўзининг продюсерлик компаниясини яратади ва ўзининг навбатдаги “Аждаҳонинг қайтиши” фильмини ўзи ёзган, режиссёрлик қилган ҳамда бош ролда ўйнаган. Брюснинг кейинги фильми “Аждаҳога кириш” (1973) Гонконг ва АҚШда жойлашган продюсерлик компаниялари ўртасидаги биринчи қўшма ҳамкорлик бўлиб, бутун дунё бўйлаб хит бўлиб, Бруйс Лини халқаро кино юлдузи даражасига олиб чиқади.
Ачинарлиси шундаки, у фильмнинг Гонконгда чиқишидан олти кун олдин 1973 йилнинг 20-июлида вафот этади. Унинг сирли ўлими ҳақида мухлислар ва тарихчилар ҳалигача ўз тахминларини билдиришади. Аммо ўлим сабаби расман бош оғриғи дори-дармонларига аллергик реакция туфайли мия шишиши сифатида қайд этилган. Ўша пайтда Брюс Ли “Ўлим ўйини” деб номланган фильм устида ишлаётган бўлган.
Брюс Лининг ўлимидан сўнг, унинг фильмлари кўплаб мухлисларнинг эътиборига тушади. Унинг ўзи эса 20-асрнинг энг йирик поп-маданияти намуналаридан бирига айланади ва кўпчилик уни осиёликларнинг Америка фильмларида намойиш қилиш услубини ўзгартирган шахс деб ҳисоблашади.
Унинг ўлимидан сўнг, ҳаётига бағишланиб “Аждаҳо: Брюс Ли ҳикояси” (1993) номли сериал ҳам суратга олинди. Шундан сўнг эса бир ачинарли ҳолат юз берди. Яъни, унинг ўғли Брендон отасининг изидан бориб, актёрлик фаолиятини бошлаган эди. Афсуски, ёш Брендон “Қарға” (1994) фильмини суратга олиш пайтида нотўғри ўқланган қуролдан ўққа тутилиб, вафот этади.
Ҳозирги кунга келиб унинг фарзандларидан фақатгина қизи Шеннон Ли яшаб келмоқда. У ҳам отасига сингари бир қанча фильмларда суратга тушмоқда ва ҳозиргача актриса сифатида фаолият олиб бормоқда.
Беҳрузбек Шоимқулов тайёрлади
