Сўнгги янгиликлар
АҚШ ва Украина ер ости бойликлари бўйича келишувга эришди
Навоийликлар нимадан норози?
Самарқандлик ота-болага ИИБ ходимлари нега куч ишлатди?
Яхшидан боғ, ёмондан доғ қолади…
«Ваъда бошқа, амал бошқа. Мамлакатда журналистика, блогосфера буткул ўлимтик аҳволга келтирилди» – Илёс Сафаров
Виждон эркинлиги...
Хоразмда фуқароларга сохта диплом олиб берган шахс ушланди
«Хатар гуруҳидаги болалар ва оилалар билан ишлаш бўйича ижтимоий иш амалиёти» давра суҳбати ўтказилди
Қозоғистон Россия газини Ўзбекистонга экспорт қилиш бўйича ҳаракатларни бошлади
2023 йилнинг июнь ойида Россия газини Қозоғистон орқали Ўзбекистонга экспорт қилиш тўртинчи чоракда бошланиши маълум қилинганди. Бу бўйича Россия ва Ўзбекистон ўртасида шартнома имзоланиб, йўл харитаси тасдиқланган.
Газ олди-сотдисига оид шартнома «UzGastrade» ва «Газпром экспорт» ўртасида 2 йил муддатга тузилган бўлиб, жорий йилнинг 1-октабридан кунига 9 млн кубометр табиий газни импорт қилиш бошланиши, йиллик ҳажмда эса қарийб 2,8 млрд кубометрни ташкил этиши таъкидланганди. Қозоғистоннинг «QazaqGaz» компанияси октябр ойидан Ўзбекистонга Россия газини ташишни бошлашни режалаштирмоқда. Бу ҳақда компания матбуот хизматига таяниб, Spot хабар бермоқда.
«QazaqGaz» бошқаруви раиси Санжар Жаркешов Россия табиий газини Ўзбекистонга транзит қилиш учун мўлжалланган инфратузилмани текшириш мақсадида Қозоғистоннинг Атирау вилоятига ташриф буюрган.
«Миллий компания раҳбари Россия газини Қозоғистон ҳудуди орқали Ўзбекистонга ташиш бўйича «Марказий Осиё — Марказ» газ қувурининг Қозоғистон қисмидаги тайёргарлик ишларининг боришини кўздан кечирди», — дейилади «Казинформ» агентлигига таяниб.
Бундан ташқари, Қозоғистон компанияси барча техник тадбирлар тасдиқланган жадвалга мувофиқ тўлиқ ҳажмда бажарилганини маълум қилди.
Уч томонлама ҳамкорлик
2022 йил ноябрида Россиянинг Ўзбекистон ва Қозоғистон билан «газ иттифоқи»ни тузиш таклифи маълум бўлди. Оммавий ахборот воситалари унинг мақсадлари қаторида газ транзити ва уни бошқа бозорларга, хусусан, Хитойга етказиб беришни мувофиқлаштириши бўйича ёзди.
Ўтган йилнинг декабрь ойи охирида Александр Новак Марказий Осиёга газ етказиб бериш бўйича музокаралар давом этишини маълум қилганди. Январь ойига келиб, Ўзбекистон «Газпром» билан ҳамкорлик қилиш бўйича «Йўл харитаси»ни имзолади.
Шундан сўнг, Энергетика вазирлиги бу бўйича изоҳ бериб, томонлар ўртасида тузилган Ишчи гуруҳ Қозоғистон ва Ўзбекистон ҳудудидан ўтувчи «Ўрта Осиё — Марказ» газ қувури орқали газ транзитини амалга ошириш учун зарур бўладиган техник чора-тадбирларга ва ўрганишга келишиб олингани ҳамда газ транспорт тизими кимгадир берилиши ёки суверенитетга қандайдир таҳдид йўқлиги қайд этилди.
Февраль ойида «Газпром» билан ҳамкорликнинг навбатдаги босқичини тезлаштириш бўйича келишув амалга оширилганди. Апрель ойи охирида Энергетика вазири Жўрабек Мирзамахмудов Россиядан Ўзбекистонга газ «Марказий Осиё-Марказ» газ қувури орқали етказилиши режалаштирилганини маълум қилди. Май ойида Қозоғистон ҳукумати Россия газининг ўз ҳудуди орқали Ўзбекистонга транзитини амалга ошириш масаласини муҳокама қилаётгани хабар қилинди.
