Сўнгги янгиликлар
Истанбул 18–21 сентябрда Босфор Кубоги 2025 қайиқлар пойгасига мезбонлик қилади
Ҳамюртимиз “Юксак эҳтиром” халқаро эсдалик кўкрак нишони билан тақдирланди
Фарғона деҳқон бозоридаги нарх-навo халқ учунми ёки…
Сентябрдан бошлаб мигрантлар илова орқали кузатилади
Касб ва хорижий тилларга ўқитиш учун ваучер бериш тартиби белгиланди
Касб ва хорижий тилларга ўқитиш учун ваучер бериш тартиби белгиланди
Фарғонада уй боғчасида 43 нафар болага ноқонуний диний сабоқ бериб келингани аниқланди
Ўзбекистон ва Иордания ўртасида 15 та ҳужжат имзоланди
«Наманганда олтин қуймаларнинг ноқонуний муомаласига чек қўйилди» — ДХХ
Ўтказилган тезкор тадбирлар натижасида умумий баҳоси 1 млрд. 124 млн. сўмлик, жами 1 кг 535 гр. олтин қуймалари ҳамда 40 минг АҚШ доллари ашёвий далил сифатида олинди.
Давлат хавфсизлик хизматининг Наманган вилояти бўйича бошқармаси ходимлари томонидан бошқа ҳуқуқ-тартибот идоралари билан ҳамкорликда ўтказилган тезкор тадбирлар натижасида олтин қуймаларнинг ноқонуний муомаласига чек қўйилди. Бу ҳақда ДХХ Ахборот хизмати хабар бермоқда.
Маълум бўлишича, дастлаб Андижон шаҳрида яшовчи, 1984 й.т., муқаддам судланган шахс оғирлиги 672 гр. бўлган бир бўлак олтин қуймасини Наманган шаҳрида истиқомат қилувчи, 1981 й.т. заргарга 40 минг АҚШ долларига сотган вақтида уларнинг иккаласи ҳам ушланди.
Сўнгра ушбу заргар буюртмасига кўра, Олмалиқ шаҳридан оғирлиги 613 гр. бўлган бир бўлак олтин қуймасини олиб кетаётган Наманган шаҳрида яшовчи, 1986 й.т. фуқаро бошқарувидаги “Cobalt” русумли автомашина Чуст туманида тўхтатилиб, ашёвий далил процессуал тартибда расмийлаштириб олинди.
Бошқа бир ҳолатда эса Наманган шаҳрида яшовчи, 1991 й.т., муқаддам судланган шахс Поп тумани ҳудудида Ангрен шаҳрида истиқомат қилувчи, 1988 й.т. фуқаро билан учрашиб, ундан оғирлиги 250 гр. бўлган 3 та олтин қуймасини сотиб олган вақтида уларнинг иккаласи ҳам ушланди.
Ўтказилган тезкор тадбирлар натижасида умумий баҳоси 1 млрд. 124 млн. сўмлик, жами 1 кг 535 гр. олтин қуймалари ҳамда 40 минг АҚШ доллари ашёвий далил сифатида олинди.
