Сўнгги янгиликлар
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
«Маҳсулот халқаро стандартга мувофиқ бўлмаса, у ҳеч қачон рақобатбардош бўла олмайди» — Азиз Абдуҳакимов
Бугун, 28 март куни Тошкент шаҳридаги “InterContinental Hotel” меҳмонхонасида меҳмонхона хизматларини экосертификациялашга доир халқаро конференция бўлиб ўтди.
Конференциянинг тантанали очилиш маросимида Ўзбекистон Республикаси Табиат ресурслари вазири Азиз Абдуҳакимов кириш сўзи билан очиб, бугунги кунда туристик секторда яшил технологияларни қўллаш ва улардан фаол фойдаланишнинг муҳимлигини таъкидлаб ўтди.
Халқаро конференцияда Европа Иттифоқининг Ўзбекистон Республикасидаги элчиси Шарлотта Адриан хоним иштирок этди.
Ушбу халқаро конференция Европа Иттифоқи (ЕИ) томонидан молиялаштириладиган “Switch Asia” дастури, шунингдек, Ўзбекистон Республикаси Табиат ресурсларининг кўмагида “Марказий Осиёда барқарор туризм учун модель: салоҳиятни яратиш, хабардорликни ошириш, технологияларни жорий этиш” (МОСТ) лойиҳаси доирасида ташкил этилди.
“Бугунги кунда экологик барқарорлик рақобатбардошликнинг муҳим омили бўлиб бормоқда. Экологик хабардорликни ошириш, халқаро стандартларни жорий этиш, самарали экологик технологияларни қўллаш мамлакатда туристик тармоқни янада ривожлантиришнинг муҳим таркибий қисми ҳисобланади.
Ўзбекистон Президенти Ш.М.Мирзиёев 2020 йил 28 сентябрдаги йиғилишда таъкидлаб ўтганидек, маҳсулотнинг сифати ва рақобатбардошлигини ошириш учун миллий стандартларни халқаро талабларга мувофиқ даражага келтириш ва уларни корхоналарда жорий этиш муҳимдир. Агар маҳсулот халқаро стандартга мувофиқ бўлмаса, у ҳеч қачон рақобатбардош бўла олмайди”, - деди Азиз Абдуҳакимов.
Ўз навбатида, Европа Иттифоқининг Ўзбекистон Республикасидаги элчиси ўз нутқида Ўзбекистоннинг “яшил” иқтисодиёт бўйича миллий дастурининг муҳимлиги ва Европа Иттифоқининг барқарор “яшил” ривожланиш йўлида Ўзбекистон билан ҳамкорликда ишлашга тайёрлигини таъкидлади.
ЕИ Ўзбекистоннинг яшил иқтисодиёт бўйича миллий дастури қабул қилинишини ва 2030 йилгача “яшил” ривожланишни қўллаб-қувватлайди.
Узоқ истиқболга мўлжалланган ушбу ҳужжат иссиқхона газлари чиқарилишини қисқартириш, қайта тикланувчи энергиядан фойдаланишни кенгайтириш ва ресурслардан фойдаланиш самарадорлигини оширишга йўналтирилган.
Ушбу мақсадларни муваффақиятли амалга ошириш учун ЕИ инклюзив, ўзаро мос ва барқарор ўсиш моделини яратиш ҳамда барқарор яшил ривожланишга интилиш устида Ўзбекистон билан ўзаро ҳамкорликда бирга ишлашга тайёрлигини яна бир бор тасдиқлайди.
Маълумот учун, МОСТ лойиҳасининг умумий мақсади - Ўзбекистон, Тожикистон ва Қозоғистонда барқарор туризмнинг янги ва мақбул структураланган моделини илгари суришдир.
Лойиҳанинг аниқ мақсадлари: Ўзбекистон, Тожикистон ва Қозоғистондаги сайёҳлик ташкилотларини барқарор ишлаб чиқариш ва истеъмол - UPP амалиётини жорий этишда ахборот-коммуникация технологиялари (АКТ) бўйича тегишли билим ва воситаларни тақдим этиш орқали қўллаб-қувватлаш, барқарор туризмни ривожлантириш, бу ҳақдаги хабардорликни ошириш ва истеъмолчиларнинг барқарор истеъмол тўғрисидаги хабардорлигини оширишга ёрдам берадиган сиёсатни режалаштириш ва амалга оширишда минтақавий ва маҳаллий ҳокимият органларини қўллаб-қувватлаш, давлат органлари, кичик ва ўрта корхоналар (МСП) ҳамда барқарор ишлаб чиқариш ва истеъмол - UPP бўйича якуний фойдаланувчилар ўртасида мулоқотни кучайтириш ҳисобланади.
