Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
«Путин Украинанинг иродасини «синдириш»ни мақсад қилган» — ISW
Урушни ўрганиш институти таҳлилчилари ҳозирги вазиятда Украина олдида 3 ту йўл борлигини айтишди.
Россия президенти Владимир Путин Украинада ҳали ҳам ғалаба қозонишдан умидвор, бироқ Украина армиясининг муваффақиятли ҳужумлари уни музокара столига ўтиришга мажбур қилиши мумкин, дейилади ISW (Урушни ўрганиш институти) таҳлилчилари ҳисоботида.
“На Украина, на Ғарб Путинни муросага келиш кераклигига ишонтира олмади. Бунинг ўрнига Путин ўзининг асл ҳарбий мақсадларига чўзилган можаро орқали эришишга эътибор қаратмоқда.
У бор кучини ишга солиб ёки Украинани иродасини синдириш йўли билан ғалаба қозонишни мақсад қилган. Шунингдек, руслар етакчиси Ғарб Украинани қўллаб-қувватлашдан воз кечишини кутмоқда” — дейилади ҳисоботда.
Мутахассисларнинг фикрича, рус армиясининг Бахмут, Авдиивка атрофида ҳамда фронт чизиғи бўйлаб Луганск ва ғарбий Донетск вилоятларидаги ҳужумлари давом этаётгани Путин ҳали ҳам ғалаба қозонишга уринаётганидан далолат беради. Шу билан бирга, Путин ва-банк қилишдан қўрқади ва фақатгина ғалаба қозонгандан сўнг, музокара столига ўтиради.
Шу муносабат билан, таҳлилчилар Украинада учта вариант бор деган хулосага келишди:
ҳалокатли мағлубиятга олиб келадиган ҳарбий ҳаракатларни тўхтатиш;
Фронт чизиғини ушлаб туриш учун чекланган ҳарбий операцияларни ўтказишда давом этиш, аммо бу юриш Путинни кейинги ҳужумларга ундайди;
Путинни музокаралар столига ўтиришга кўндириш учун қарши ҳужумни бошлаш ёки Киев ва Ғарб иттифоқчилари урушни амалда тўхтата оладиган ҳарбий воқеликни яратиш.
Маълумот ўрнида, 26 март ҳолатига кўра, Россиянинг Украинага кенг кўламли босқин бошланганидан бери умумий йўқотишлари тахминий равишда 170 550 нафарни ташкил этмоқда.
