Сўнгги янгиликлар
Давлат олий таълим муассасалари учун тўрт йиллик қабул квоталари белгиланди
Турк Ривиерасининг “жонли” шаҳарлари ҳақида эшитганмисиз?
Юлдуз Усмонованинг қўшиғини куйлаган хонанда жаримага тортилди
Тошкентда «Lacetti» ва «Tracker» тўқнашуви оқибатида бир нафар пиёда вафот этди
Академик лицейларга кириш тест синовлари ўтказилиш санаси ва вақти аниқ бўлди
Янги ўқув йилидан бошлаб В2 сертификати мавжуд бўлмаган хорижий тил ўқитувчилари ишлан бўшатилади(ми?) Сертификат машмашаси қачон тугайди?!
Тошкентдаги кўчалардан бири 1 ойга ёпилди
Истанбулдан Тошкентга учган самолётда чақалоқ дунёга келди
Сирдарёда эр тиббиёт коллежи ҳудудида хотини ва ўзини пичоқлаб ўлдирди
Ушбу машъум воқеага оилавий келишмовчилик сабаб бўлган.
Сирдарё вилояти Янгиер шаҳрида эркак ўзи ва хотинини пичоқлаб ўлдирди. Бу ҳақда “Газета.uz”га Бош прокуратура матбуот хизматига таяниб хабар берди.
Маълум қилинишича, 2 март куни соат 08:20 атрофида Янгиер шаҳар тиббиёт коллежида “Давлатобод” маҳалласида яшовчи фуқаро Р. У. ўзидаги ошхона пичоғи билан турмуш ўртоғи Д. У.нинг ўнг бўйин, ўнг ва чап кўкрак, чап оёқ болдир соҳаларига жами етти маротаба уриб, қасддан ўлдирган. 41 ёшли марҳума коллежнинг 2-босқичида ўқиган, воқеага оилавий келишмовчилик сабаб бўлган.
Шундан сўнг 46 ёшли Р. У. содир қилган жинояти учун жавобгарликдан қочиш мақсадида қўлидаги пичоқ билан ўзининг бўйин ва кўкрак соҳаларига икки маротаба уриб, ўзига-ўзи оғир тан жароҳатлари етказган.
Фуқаро Р. У. олган тан жароҳатлари билан Янгиер шаҳар тиббиёт бирлашмасининг жонлантириш бўлимига ётқизилган, бироқ кўрсатилган тиббий ёрдамларга қарамасдан, касалхонада вафот этган.
Мазкур ҳолат юзасидан Янгиер шаҳар прокуратураси томонидан Жиноят кодексининг 97-моддаси (Қасддан одам ўлдириш) 1-қисми билан жиноят иши қўзғатилиб, дастлабки тергов ҳаракатларига киришилган.
