Сўнгги янгиликлар
«Афсуски, айрим «Ишонч телефонлари» номига ташкил қилинган ёки умуман ишламайди» – Акмал Бурхонов
«Босим ўтказилаётгани тўғрисидаги хабарлар асоссиз» – «Ўзбектелеком» HUMANS иши бўйича муносабат билдирди
Ўзбекистоннинг ветеринария соҳасидаги тажрибаси халқаро миқёсда эътироф этилди
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Фарғонада икки нафар эркак номаълум моддадан заҳарланиб вафот этди
Мурдалар кўздан кечирилганида, уларда ташқи тан жароҳатлари ва улардан қолган излар аниқланмаган.
Ижтимоий тармоқда Фарғона шаҳрида яшаган Б.Э таниши А.А билан номаълум моддадан захарланиши оқибатида вафот этганлиги тўғрисида хабар тарқалди. Мазкур воқеа юзасидан вилоят прокуратураси расмий баёнот берди.
Аниқланишича, 2022 йилнинг 26 декабрь куни Фарғона шаҳар ИИО ФМБнинг навбатчилик қисмидан Фарғона шаҳар, А.Яссавий кўчасида истиқомат қилган Б.Э танишлари А.А ва Х.М билан бирга номаълум моддадан захарланиб, Б.Э ва А.А воқеа жойида вафот этган, Х.М эса оғир аҳволда шифохонага ётқизилганлиги ҳақида хабар келиб тушган.
Мазкур хабарга асосан, ҳодиса жойи шаҳар прокурори раҳбарлигида, суд тиббий экспертиза бўлими эксперти, тезкор-тергов гуруҳи, ФВБ Фарғона шаҳар бўлими, СЭО ва ЖСХ шаҳар бўлими ва “Ҳудудгаз Фарғона” ГТФ шаҳар бўлими ходимларидан иборат мутахассислар иштирокида кримтехника воситалари ёрдамида кўздан кечирилган. Мурдалар кўздан кечирилганида, уларда ташқи тан жароҳатлари ва улардан қолган излар аниқланмаган.
Терговга қадар текширув натижасига кўра, фуқаролар Б.Эралиев ва А.Аминжоновларнинг ис газидан заҳарланиб вафот этганлиги ҳолати бўйича Фарғона шаҳар прокуратураси томонидан Ўзбекистон Республикаси ЖПКнинг 83-моддаси 2-бандига асосан жиноят иши қўзғатиш рад этиш ҳақида қарор қабул қилинган.
Мазкур қарорнинг қонунийлиги ўрганилиб, бекор қилинган ва ҳозирда қўшимча терговга қадар текширув ҳаракатлари ўтказилмоқда.
